محکمہ موسمیات کی ملک کے بیشتر حصوں میں موسم گرم اور خشک رہنے کی پیشگوئی

محکمہ موسمیات نے ملک کے بیشتر علاقوں میں آئندہ چوبیس گھنٹوں کے دوران موسم گرم اور خشک رہنے کی پیشگوئی کی ہے۔ جنوبی اضلاع میں شدید گرمی کی لہر برقرار رہنے کا امکان ہے۔

اسلام آباد اور اس کے گردونواح میں موسم گرم اور خشک رہے گا۔ خیبر پختونخوا کے بالائی اضلاع میں موسم گرم اور خشک رہے گا جبکہ جنوبی اضلاع میں شدید گرمی متوقع ہے۔

پنجاب کے بیشتر اضلاع میں موسم گرم اور خشک رہے گا تاہم جنوبی حصوں میں شدید گرمی کے ساتھ گرد آلود ہوائیں چلنے کا امکان ہے۔ سندھ کے بیشتر اضلاع میں بھی موسم شدید گرم اور خشک رہے گا۔

بلوچستان کے اکثر علاقوں میں موسم گرم اور خشک رہے گا جبکہ جنوبی اضلاع میں شدید گرمی کی کیفیت برقرار رہے گی۔

کشمیر میں مطلع جزوی طور پر ابر آلود رہے گا اور دوپہر کے اوقات میں کہیں کہیں تیز ہواؤں اور گرج چمک کے ساتھ بارش کا امکان ہے۔ گلگت بلتستان میں مطلع جزوی طور پر ابر آلود اور موسم خشک رہنے کی توقع ہے۔