آپریشن بنیان المرصوص کی برسی: بیرونِ ملک مقیم پاکستانیوں کا وطن سے یکجہتی کا اظہار

آپریشن بنیان مرصوص کی پہلی سالگرہ کے موقع پر بیرون ملک مقیم پاکستانیوں نے اپنے مادر وطن سے والہانہ محبت اور یکجہتی کا اظہار کیا ہے۔ تارکین وطن نے اس عزم کا اعادہ کیا ہے کہ جغرافیائی دوری ان کے وطن سے رشتے کو کمزور نہیں کر سکتی۔

بیرون ملک مقیم پاکستانیوں کا کہنا ہے کہ دشمن کی کوئی بھی سازش، دھوکہ دہی یا جارحانہ عزائم پاکستان کو نقصان نہیں پہنچا سکتے۔ انہوں نے کہا کہ اگرچہ وہ سرحدوں سے دور رہائش پذیر ہیں، لیکن ان کے دل اپنے وطن کے ساتھ دھڑکتے ہیں۔

تارکین وطن نے اس بات پر زور دیا کہ دنیا کے کسی بھی کونے میں رہ کر بھی ان کی اصل شناخت پاکستان ہی ہے۔ انہوں نے ہر مشکل اور چیلنج کے وقت اپنے ملک کے شانہ بشانہ کھڑے رہنے کے عزم کا اعادہ کیا۔

محب وطن پاکستانیوں کا یہ جذبہ اس بات کا ثبوت ہے کہ پوری قوم متحد اور ثابت قدم ہے۔ ملک بھر میں معرکہ حق میں فتح کی یادگار کے طور پر منائی جانے والی اس پہلی سالگرہ کے موقع پر بیرون ملک پاکستانیوں کی جانب سے اظہار یکجہتی نے حب الوطنی کی ایک نئی مثال قائم کی ہے۔