پاکستان نے معرکہ حق کی پہلی سالگرہ کے موقع پر آپریشن بنیان المرصوص کی تفصیلات جاری کر دی ہیں۔ راولپنڈی میں پریس کانفرنس سے خطاب کرتے ہوئے ڈپٹی چیف آف ایئر اسٹاف پروجیکٹس ایئر وائس مارشل طارق غازی نے انکشاف کیا کہ آپریشن کے دوران پاک فضائیہ نے بھارت کے آٹھ طیارے مار گرائے۔
ایئر وائس مارشل طارق غازی نے ڈی جی آئی ایس پی آر لیفٹیننٹ جنرل احمد شریف چوہدری کے ہمراہ بریفنگ دیتے ہوئے کہا کہ پاک فضائیہ نے بھارت کے خلاف آٹھ صفر کا اسکور حاصل کیا ہے۔ تباہ کیے گئے بھارتی طیاروں میں چار رافیل جیٹ، ایک سخوئی ایس یو 30، ایک مگ 29 اور ایک میراج 2000 شامل ہیں۔ اس کے علاوہ ایک انتہائی مہنگا ملٹی رول بغیر پائلٹ کا فضائی نظام بھی تباہ کیا گیا۔
ایئر وائس مارشل نے مزید کہا کہ پاک فضائیہ مستقبل کے چیلنجز کے لیے مکمل طور پر تیار ہے اور ہمارے پائلٹس شہادت کو اپنے لیے اعزاز سمجھتے ہوئے کسی خوف کے بغیر مشنز پر جاتے ہیں۔
اس موقع پر ڈی جی آئی ایس پی آر لیفٹیننٹ جنرل احمد شریف چوہدری نے کہا کہ پاکستان نے پانچ گنا بڑے دشمن کو ملٹی ڈومین جنگ میں شکست دی۔ انہوں نے کہا کہ بھارت دہشت گردی کا گمراہ کن بیانیہ پھیلا رہا ہے جبکہ خود عدم استحکام پیدا کرنے میں ملوث ہے۔ انہوں نے مقبوضہ کشمیر اور منی پور میں بھارتی مظالم کی شدید مذمت کی۔
ترجمان پاک فوج نے پہلگام واقعے کا ذکر کرتے ہوئے کہا کہ ایک سال گزرنے کے باوجود بھارت ان سوالوں کے جواب دینے سے قاصر ہے کہ حملہ آور کون تھے اور وہ مبینہ کیمپ کہاں ہیں جنہیں نشانہ بنانے کا دعویٰ کیا گیا تھا۔ انہوں نے بھارتی انٹیلی جنس کی کارکردگی پر سوال اٹھاتے ہوئے کہا کہ اگر ان کی ایجنسیاں اتنی ہی مستعد ہیں تو وہ حملہ آوروں کو سینکڑوں کلومیٹر اندر آنے سے کیوں نہ روک سکیں، جبکہ حملے کے پندرہ منٹ بعد ہی پاکستان پر الزام تراشی شروع کر دی گئی۔
صدر ڈونلڈ ٹرمپ کے بیجنگ کے دورے اور چینی صدر شی جن پنگ کے ساتھ…
اسلام آباد میں پاکستان تحریک انصاف کے بانی چیئرمین سے ملاقات کے لیے چھ رکنی…
اقوام متحدہ کے سابق ہتھیاروں کے معائنہ کار اور امریکی میرین کور کے انٹیلی جنس…
وزیراعظم شہباز شریف کی جانب سے گلگت بلتستان کے دورے کے دوران خطے میں چار…
کراچی میں پانی کی چوری کی روک تھام کے لیے قائم خصوصی تھانہ خود سنگین…
امریکی صدر ڈونلڈ ٹرمپ چین کے دورے پر پہنچ گئے ہیں، ان کے ہمراہ امریکہ…