صوبہ خیبر پختونخوا کے تعلیمی میدان سے ایک شاندار خبر سامنے آئی ہے جہاں خیبر گرلز میڈیکل کالج کی طالبہ قندیل مرتضیٰ نے 17 گولڈ میڈلز حاصل کر کے ایک نیا تاریخی ریکارڈ قائم کر دیا ہے۔ ہری پور سے تعلق رکھنے والی ایک درزی کی بیٹی کی اس غیر معمولی کامیابی نے پورے ملک میں ایک نئی مثال قائم کی ہے۔
کالج میں منعقدہ خصوصی تقریب کے دوران وزیراعلیٰ خیبر پختونخوا نے قندیل مرتضیٰ کو ان کے اعزازات سے نوازا۔ اس پروقار تقریب میں طالبہ کے والد بھی ان کے ہمراہ موجود تھے، جنہوں نے اپنی بیٹی کی کامیابی پر فخر کا اظہار کیا۔
قندیل مرتضیٰ کے والد کا کہنا ہے کہ ان کے خاندان میں اعلیٰ تعلیم کی روایت موجود ہے۔ ان کی ایک بیٹی خیبر میڈیکل کالج میں زیر تعلیم ہے، دوسری بیٹی وفاقی تحقیقاتی ادارے میں گریڈ 17 کی افسر ہیں، جبکہ ایک بیٹی پی ایچ ڈی مکمل کرنے کے بعد اسلام آباد میں خدمات انجام دے رہی ہیں۔ اس کے علاوہ ان کا بیٹا بھی انجینئرنگ کی ڈگری حاصل کر چکا ہے۔
تقریب کے دوران دیگر طالبات نے بھی نمایاں کارکردگی کا مظاہرہ کیا۔ طالبہ مقدس نے 10 جبکہ سبیح نے 7 گولڈ میڈلز اپنے نام کیے۔ خیبر گرلز میڈیکل کالج کی ان طالبات کی شاندار کامیابی نہ صرف ان کی انتھک محنت کا ثبوت ہے بلکہ یہ ملک بھر کے ان طلباء کے لیے بھی مشعل راہ ہے جو شعبہ طب میں نمایاں مقام حاصل کرنا چاہتے ہیں۔
صدر ڈونلڈ ٹرمپ کے بیجنگ کے دورے اور چینی صدر شی جن پنگ کے ساتھ…
اسلام آباد میں پاکستان تحریک انصاف کے بانی چیئرمین سے ملاقات کے لیے چھ رکنی…
اقوام متحدہ کے سابق ہتھیاروں کے معائنہ کار اور امریکی میرین کور کے انٹیلی جنس…
وزیراعظم شہباز شریف کی جانب سے گلگت بلتستان کے دورے کے دوران خطے میں چار…
کراچی میں پانی کی چوری کی روک تھام کے لیے قائم خصوصی تھانہ خود سنگین…
امریکی صدر ڈونلڈ ٹرمپ چین کے دورے پر پہنچ گئے ہیں، ان کے ہمراہ امریکہ…