صوبائی ڈیزاسٹر مینجمنٹ اتھارٹی پنجاب نے صوبے کے مختلف اضلاع میں 11 مئی تک ہیٹ ویو کا الرٹ جاری کر دیا ہے۔ محکمہ موسمیات کے مطابق صوبے بھر میں خشک موسم کی شدت میں مسلسل اضافہ ہو رہا ہے اور درجہ حرارت بتدریج اوپر جا رہا ہے جبکہ آئندہ 24 گھنٹوں کے دوران موسم گرم اور خشک رہنے کا امکان ہے۔
محکمہ موسمیات کے اعداد و شمار کے مطابق لاہور میں کم سے کم درجہ حرارت 27 ڈگری سینٹی گریڈ جبکہ زیادہ سے زیادہ درجہ حرارت 40 ڈگری سینٹی گریڈ تک جانے کی توقع ہے۔ شدید گرمی کے باعث گھروں اور دفاتر میں ایئر کنڈیشنرز اور ایئر کولرز کا استعمال بڑھ گیا ہے جبکہ شہری ہیٹ ویو کے خدشات کے پیش نظر احتیاطی تدابیر اختیار کر رہے ہیں۔
پی ڈی ایم اے نے ایک اور الرٹ میں خبردار کیا ہے کہ 10 مئی کی شام سے 12 مئی کی رات تک صوبے کے بالائی علاقوں میں گرد آلود ہواؤں، گرج چمک کے ساتھ بارش کا امکان ہے۔ محکمہ موسمیات کے مطابق ایک نئی مغربی لہر 10 مئی کو ملک کے شمال مغربی حصوں میں داخل ہوگی جو 12 مئی تک برقرار رہے گی۔
اس دوران مری، گلیات، راولپنڈی، اٹک، چکوال، جہلم، خوشاب، جوہر آباد، سرگودھا، میانوالی، فیصل آباد، ساہیوال، جھنگ، لاہور، شیخوپورہ، اوکاڑہ، گوجرانوالہ، سیالکوٹ اور نارووال میں بارش متوقع ہے۔ تاہم جنوبی پنجاب کے علاقوں میں شدید گرم موسم کا سلسلہ جاری رہے گا۔ انتظامیہ نے شہریوں کو ہدایت کی ہے کہ وہ بلا ضرورت دھوپ میں نکلنے سے گریز کریں اور پانی کا زیادہ سے زیادہ استعمال کریں۔
محکمہ موسمیات نے پیش گوئی کی ہے کہ وسطی اور جنوبی علاقوں میں دن کا درجہ حرارت معمول سے 2 سے 6 ڈگری سینٹی گریڈ تک زیادہ رہے گا۔ جنوبی پنجاب، سندھ اور بلوچستان کے کچھ حصے شدید گرمی سے سب سے زیادہ متاثر ہونے والے خطوں میں شامل ہیں۔
دوسری جانب پیر کے روز کراچی میں 2018 کے بعد گرم ترین دن ریکارڈ کیا گیا جہاں درجہ حرارت 44 ڈگری سینٹی گریڈ سے تجاوز کر گیا۔ اولڈ ایئرپورٹ ویدر اسٹیشن پر درجہ حرارت 44.1 ڈگری سینٹی گریڈ تک پہنچا۔ شدید گرمی کے باعث شہر کے مختلف حصوں سے کم از کم دس لاشیں برآمد ہوئی ہیں۔ چھپا فاؤنڈیشن کے ترجمان شاہد چوہدری کے مطابق چار افراد تشویشناک حالت میں ملے جو دوران علاج دم توڑ گئے جبکہ چھ دیگر کی لاشیں گھروں، مساجد اور دیگر مقامات سے برآمد کی گئیں۔
وزیراعظم شہباز شریف سے قطر کے وزیراعظم اور وزیر خارجہ شیخ محمد بن عبدالرحمن الثانی…
وزیر اعظم شہباز شریف کو قطر کے وزیر اعظم اور وزیر خارجہ شیخ محمد بن…
سعودی آرامکو کے چیف ایگزیکٹو آفیسر امین ناصر نے اتوار کے روز ایک بیان میں…
وزیراعظم شہباز شریف نے بنوں میں پولیس چیک پوسٹ پر دہشت گرد حملے کی شدید…
اسرائیل نے ایران کے خلاف فضائی مہم میں معاونت کے لیے عراقی صحرا میں ایک…
برطانیہ نے آبنائے ہرمز میں تجارتی جہاز رانی کے تحفظ کے لیے اپنے جنگی بحری…