لاہور کی انسداد دہشت گردی عدالت نے کالعدم تحریک لبیک پاکستان کے سربراہ حافظ سعد حسین رضوی سمیت چوبیس رہنماؤں کو اشتہاری قرار دے دیا ہے۔ یہ کارروائی تھانہ بادامی باغ میں درج مقدمے کے تناظر میں کی گئی ہے جس میں ملزمان پر جلاؤ گھیراؤ، توڑ پھوڑ اور پولیس پر حملوں کے الزامات عائد ہیں۔
انسداد دہشت گردی عدالت کے جج منظر علی گل نے تھانہ بادامی باغ پولیس کی جانب سے دائر کردہ درخواست پر سماعت کی۔ پولیس نے عدالت کو آگاہ کیا کہ ملزمان کی گرفتاری کے لیے اشتہارات شائع کیے گئے تھے، تاہم وہ عدالت میں پیش نہیں ہوئے۔ پولیس کے مطابق ملزمان گرفتاری سے بچنے کے لیے روپوش ہو چکے ہیں۔
عدالت نے پولیس کی رپورٹ کی روشنی میں تمام چوبیس مفرور رہنماؤں کے دائمی وارنٹ گرفتاری جاری کر دیے ہیں۔ اشتہاری قرار دیے جانے والوں میں حافظ سعد حسین رضوی کے علاوہ انس حسین رضوی، میاں جمیل احمد شرقپوری، میاں جلیل احمد شرقپوری، علامہ فاروق الحسن اور مفتی عابد رضا قادری سمیت دیگر رہنما اور کارکنان شامل ہیں۔
ملزمان کے خلاف تھانہ بادامی باغ میں ایف آئی آر نمبر 1956/25 درج کی گئی ہے۔ پولیس کا کہنا ہے کہ یہ افراد کارکنوں کو جلاؤ گھیراؤ اور پولیس اہلکاروں پر تشدد کے لیے اکسانے میں ملوث ہیں۔
صدر ڈونلڈ ٹرمپ کے بیجنگ کے دورے اور چینی صدر شی جن پنگ کے ساتھ…
اسلام آباد میں پاکستان تحریک انصاف کے بانی چیئرمین سے ملاقات کے لیے چھ رکنی…
اقوام متحدہ کے سابق ہتھیاروں کے معائنہ کار اور امریکی میرین کور کے انٹیلی جنس…
وزیراعظم شہباز شریف کی جانب سے گلگت بلتستان کے دورے کے دوران خطے میں چار…
کراچی میں پانی کی چوری کی روک تھام کے لیے قائم خصوصی تھانہ خود سنگین…
امریکی صدر ڈونلڈ ٹرمپ چین کے دورے پر پہنچ گئے ہیں، ان کے ہمراہ امریکہ…