بلوچستان کے ضلع بارکھان میں سیکیورٹی فورسز کے آپریشن کے دوران ایک میجر سمیت پانچ اہلکار جام شہادت نوش کر گئے جبکہ جوابی کارروائی میں سات دہشت گرد ہلاک ہو گئے۔
پاک فوج کے شعبہ تعلقات عامہ آئی ایس پی آر کے مطابق سیکیورٹی فورسز نے منگل کی صبح بارکھان کے علاقے نوشام میں دہشت گردوں کی موجودگی کی خفیہ اطلاع پر کلین اپ آپریشن شروع کیا۔ شدید فائرنگ کے تبادلے کے دوران سات دہشت گرد مارے گئے جن کے قبضے سے اسلحہ، گولہ بارود اور دھماکہ خیز مواد برآمد کر لیا گیا۔
آپریشن کی قیادت کرنے والے 31 سالہ میجر توصیف احمد بھٹی کا تعلق پاکپتن سے تھا، جنہوں نے بہادری سے لڑتے ہوئے جام شہادت نوش کیا۔ شہداء میں سکھر کے 36 سالہ نائیک فدا حسین، سکردو کے 32 سالہ سپاہی ذاکر حسین، خانیوال کے 21 سالہ سپاہی سہیل احمد اور رحیم یار خان کے 24 سالہ سپاہی محمد ایاز بھی شامل ہیں۔
آئی ایس پی آر نے شہداء کو دھرتی کے بہادر سپوت قرار دیتے ہوئے کہا کہ انہوں نے دہشت گردی کے خلاف جنگ میں اپنی جانوں کا نذرانہ پیش کیا۔ علاقے میں چھپے دیگر دہشت گردوں کے خاتمے کے لیے سیکیورٹی فورسز کی جانب سے کلین اپ آپریشن جاری ہے۔
ترجمان کے مطابق یہ کارروائی عزم استحکام کے وژن کے تحت کی جا رہی ہے جس کی منظوری وفاقی ایپکس کمیٹی نے نیشنل ایکشن پلان کے تحت دی تھی۔ سیکیورٹی حکام کا عزم ہے کہ غیر ملکی حمایت یافتہ دہشت گردی کے نیٹ ورکس کو مکمل طور پر ختم کرنے اور ملک میں امن و امان کی بحالی تک یہ آپریشن پوری قوت کے ساتھ جاری رہیں گے۔
بلوچستان کے ضلع بارکھان میں سیکیورٹی فورسز نے خفیہ اطلاع پر آپریشن کے دوران بھارت…
آسٹریلیا نے آبنائے ہرمز میں بحری جہازوں کی نقل و حمل کو محفوظ بنانے کے…
اسرائیلی وزیراعظم بنجمن نیتن یاہو نے ایران کے ساتھ جنگ کے دوران متحدہ عرب امارات…
بلوچستان کے ضلع بارکھان میں سیکیورٹی فورسز کے سرچ اینڈ کلینزنگ آپریشن کے دوران میجر…
خطے میں جاری کشیدہ صورتحال کے پیش نظر وطن واپسی کا عمل مسلسل جاری ہے۔…
نائب وزیراعظم اور وزیر خارجہ اسحاق ڈار اور کویتی وزیر خارجہ کے درمیان ٹیلی فونک…