بھارت میں شوال کا چاند نظر نہیں آیا، عید الفطر ہفتے کو منائی جائے گی

نئی دہلی میں شوال کا چاند نظر نہ آنے کے بعد بھارت میں عید الفطر بروز ہفتہ 21 مارچ کو منائی جائے گی۔ بھارتی میڈیا کے مطابق مقامی رویت ہلال کمیٹیوں نے تصدیق کی ہے کہ رمضان المبارک کے 29 ویں روزے کی شام چاند کہیں بھی دکھائی نہیں دیا۔

یہ فیصلہ خلیجی ممالک کی جانب سے کیے گئے اعلانات کے تناظر میں سامنے آیا ہے جہاں سعودی عرب، متحدہ عرب امارات، کویت، قطر اور بحرین میں چاند نظر آنے کے بعد عید جمعہ کو منائی جا رہی ہے۔

بھارتی حکام کا کہنا ہے کہ ملک کے مختلف خطوں میں مقامی رویت کی بنیاد پر حتمی تاریخ کا تعین کیا گیا ہے جس کے تحت اب عید کی نماز اور تقریبات کا آغاز یکم شوال بروز ہفتہ ہوگا۔