اسکاٹ لینڈ میں واقع برطانیہ کے جوہری آبدوزوں کے اڈے میں غیر قانونی طور پر داخل ہونے کی کوشش کرنے والے دو افراد پر فرد جرم عائد کر دی گئی ہے۔ پولیس اسکاٹ لینڈ کے مطابق گرفتار شدگان میں ایک ایرانی مرد اور ایک رومانیہ کی خاتون شامل ہیں۔
برطانوی میڈیا کی جانب سے ان دونوں افراد کو ایرانی جاسوس ہونے کا شبہ ظاہر کیا گیا ہے۔ پولیس نے ان مشتبہ افراد کو جمعرات کے روز حراست میں لیا تھا۔
یہ گرفتاری ایسے وقت میں عمل میں آئی ہے جب ایران اور اسرائیل کے درمیان جاری تنازع کو تین ہفتے مکمل ہو چکے ہیں۔ اگرچہ برطانیہ براہ راست ایران پر ہونے والے حملوں کا حصہ نہیں ہے، تاہم برطانوی افواج خلیجی خطے میں ایرانی میزائلوں اور ڈرونز کو مار گرانے میں ملوث رہی ہیں۔
ایچ ایم نیول بیس کلائیڈ اسکاٹ لینڈ کے مغربی ساحل پر واقع ہے اور برطانیہ کی قومی سلامتی کے لیے انتہائی اہم تصور کیا جاتا ہے۔ یہ اڈہ نہ صرف برطانیہ کی جوہری ہتھیاروں سے لیس آبدوزوں بلکہ حملہ آور آبدوزوں کا بھی مرکز ہے۔
پولیس کے مطابق گرفتار کیے گئے 34 سالہ ایرانی مرد اور 31 سالہ رومانیہ کی خاتون کو 23 مارچ کو ڈمبارٹن شیرف کورٹ میں پیش کیا جائے گا۔
تہران نے بحر ہند میں واقع امریکی اور برطانوی فوجی اڈے ڈیاگو گارشیا پر دو…
وزیر اعظم شہباز شریف نے عید الفطر کے پرمسرت موقع پر ملک کی عسکری قیادت،…
جنوبی کوریا کے شہر ڈیجیون میں واقع کار پرزہ جات بنانے والی ایک فیکٹری میں…
وزیر پیٹرولیم علی پرویز ملک نے کہا ہے کہ وزیر اعظم شہباز شریف نے توانائی…
ضلع ہنگو میں پولیس اور مسلح ملزمان کے درمیان فائرنگ کے تبادلے کے نتیجے میں…
امریکی ریاستوں میں شدید گرمی کی لہر نے سترہ سو سالہ ریکارڈ توڑ دیے ہیں،…