لبنان کی وزارت صحت نے ہفتے کے روز جاری کردہ ایک بیان میں تصدیق کی ہے کہ دو مارچ سے اب تک اسرائیلی حملوں کے نتیجے میں جاں بحق ہونے والوں کی تعداد 1189 ہو گئی ہے۔ گزشتہ 24 گھنٹوں کے دوران مزید 47 افراد اپنی جانوں سے ہاتھ دھو بیٹھے۔
وزارت کے مطابق ان حملوں میں زخمی ہونے والوں کی مجموعی تعداد 3427 تک پہنچ چکی ہے۔ ہلاک ہونے والوں میں 124 بچے اور 86 خواتین شامل ہیں۔
اسرائیلی فوج نے دو مارچ کو حزب اللہ کی جانب سے سرحد پار حملے کے بعد جنوبی لبنان میں فضائی اور زمینی کارروائیوں کا آغاز کیا تھا۔ یہ فوجی کارروائی خطے میں جاری کشیدگی کے تناظر میں کی گئی جو 28 فروری کو ایران پر مشترکہ امریکی و اسرائیلی حملوں کے بعد شدت اختیار کر گئی تھی۔
ان حملوں کے نتیجے میں ایران کے سابق سپریم لیڈر علی خامنہ ای سمیت ہزاروں افراد ہلاک ہوئے تھے۔ ایران نے اس کے ردعمل میں اسرائیل سمیت اردن، عراق اور خلیجی ممالک میں موجود امریکی فوجی تنصیبات کو ڈرون اور میزائل حملوں کا نشانہ بنایا۔ ان جوابی کارروائیوں سے بڑے پیمانے پر جانی و مالی نقصان ہوا، بنیادی ڈھانچے کو شدید نقصان پہنچا اور عالمی منڈیوں کے ساتھ ساتھ فضائی نقل و حمل کا نظام بھی بری طرح متاثر ہوا۔
نائب وزیراعظم اور وزیر خارجہ سینیٹر محمد اسحاق ڈار نے کہا ہے کہ ایرانی حکومت…
امریکا سمیت دنیا بھر میں صدر ڈونلڈ ٹرمپ کی آمرانہ پالیسیوں اور حکومت کے غیر…
حکومت پنجاب نے بہاولپور میں کپاس کی کاشت کو فروغ دینے اور پیداوار میں اضافے…
یورپی اتحادی ممالک نے امریکی سفارت کاروں پر واضح کیا ہے کہ روس، ایران کی…
عالمی یومِ ارض کے موقع پر وزیرِ اعظم کی خصوصی ہدایات پر ملک بھر کی…
اسرائیل کے مختلف شہروں میں مشرق وسطیٰ میں جاری جنگ کے خلاف ہونے والے غیر…