مصر کے وزیر خارجہ ڈاکٹر بدر عبدالعاطی اہم مذاکرات میں شرکت کے لیے اسلام آباد پہنچ گئے ہیں۔ ان کا دورہ پاکستان کے نائب وزیر اعظم اور وزیر خارجہ سینیٹر محمد اسحاق ڈار کی خصوصی دعوت پر عمل میں آیا ہے۔ وفاقی دارالحکومت میں قیام کے دوران مصری وزیر خارجہ وزیراعظم شہباز شریف سے بھی ملاقات کریں گے۔
ترجمان دفتر خارجہ کے مطابق یہ دورہ پاکستان اور مصر کے مابین گہرے برادرانہ تعلقات کا عکاس ہے اور علاقائی امور پر جاری ہم آہنگی کو اجاگر کرتا ہے۔ یہ دورہ 29 اور 30 مارچ کو اسلام آباد میں ہونے والے چار ملکی اجلاس کے تناظر میں انتہائی اہمیت کا حامل ہے، جس کا مقصد ایران اور امریکہ کے درمیان کشیدگی کو کم کرنے کے لیے سفارتی کوششوں کو آگے بڑھانا ہے۔
اس اہم اجلاس میں پاکستان، ترکیہ، سعودی عرب اور مصر کے وزرائے خارجہ شریک ہوں گے۔ سعودی وزیر خارجہ فیصل بن فرحان اور ترکیہ کے وزیر خارجہ ہاکان فیدان کی بھی اسلام آباد آمد متوقع ہے۔ اجلاس کی صدارت نائب وزیر اعظم اسحاق ڈار کریں گے، جس میں علاقائی امن و استحکام کے لیے سفارتی راستے تلاش کرنے اور تنازعات کے خطرات کو کم کرنے پر غور کیا جائے گا۔
اس سے قبل وزیراعظم شہباز شریف نے ایران کے صدر ڈاکٹر مسعود پزشکیان سے ٹیلی فون پر رابطہ کیا اور ایرانی عوام کے ساتھ مکمل یکجہتی کا اظہار کیا۔ ایک گھنٹے سے زائد جاری رہنے والی گفتگو میں وزیراعظم نے اسرائیل کی جانب سے ایران پر مسلسل حملوں اور شہری تنصیبات کو نشانہ بنانے کی شدید مذمت کی۔
وزیراعظم نے ایرانی صدر کو امریکہ، خلیجی ممالک اور دیگر اسلامی ممالک کے ساتھ جاری اپنی، نائب وزیراعظم اسحاق ڈار اور آرمی چیف جنرل سید عاصم منیر کی سفارتی کوششوں سے آگاہ کیا۔ انہوں نے اس امید کا اظہار کیا کہ اجتماعی کوششوں سے خطے میں کشیدگی کے خاتمے اور امن کے قیام میں مدد ملے گی۔
ایرانی صدر نے وزیراعظم شہباز شریف کی مخلصانہ سفارتی کاوشوں کو سراہا اور پاکستان کے مثبت کردار کی تعریف کی۔ انہوں نے مذاکرات کی کامیابی کے لیے اعتماد سازی کی ضرورت پر زور دیا۔ دفتر خارجہ نے تصدیق کی ہے کہ اسلام آباد پہنچنے والے معزز مہمان اپنے قیام کے دوران پاکستان کی اعلیٰ قیادت سے بھی ملاقاتیں کریں گے۔ وزیر خارجہ اسحاق ڈار نے سماجی رابطے کی ویب سائٹ پر اپنے پیغام میں برادر ممالک کے وزرائے خارجہ کو خوش آمدید کہنے پر مسرت کا اظہار کیا ہے۔
نائب وزیراعظم اور وزیر خارجہ سینیٹر محمد اسحاق ڈار نے کہا ہے کہ ایرانی حکومت…
امریکا سمیت دنیا بھر میں صدر ڈونلڈ ٹرمپ کی آمرانہ پالیسیوں اور حکومت کے غیر…
حکومت پنجاب نے بہاولپور میں کپاس کی کاشت کو فروغ دینے اور پیداوار میں اضافے…
یورپی اتحادی ممالک نے امریکی سفارت کاروں پر واضح کیا ہے کہ روس، ایران کی…
عالمی یومِ ارض کے موقع پر وزیرِ اعظم کی خصوصی ہدایات پر ملک بھر کی…
اسرائیل کے مختلف شہروں میں مشرق وسطیٰ میں جاری جنگ کے خلاف ہونے والے غیر…