ماسکو نے برطانوی سفارت کار کو جاسوسی کے الزامات کے تحت ملک بدر کر دیا ہے، جبکہ لندن نے ان الزامات کو مکمل طور پر بے بنیاد قرار دیتے ہوئے مسترد کر دیا ہے۔ روسی خفیہ ایجنسی ایف ایس بی کے مطابق انتیس سالہ سفارتی سیکریٹری البرٹس گیرہارڈس جانسے وین رینزبرگ کو روسی سلامتی کے خلاف تخریبی سرگرمیوں میں ملوث ہونے پر ملک چھوڑنے کا حکم دیا گیا ہے۔
روسی وزارت خارجہ نے برطانوی ناظم الامور کو طلب کر کے تنبیہ کی ہے کہ اس فیصلے کے جواب میں کوئی جوابی کارروائی نہ کی جائے۔ روسی حکام کے مطابق مذکورہ سفارت کار کو اپنی ایکریڈیشن ختم ہونے کے بعد دو ہفتوں کے اندر روس سے نکلنا ہوگا۔
دوسری جانب برطانوی دفتر خارجہ کے ترجمان نے ان الزامات کو یکسر مسترد کرتے ہوئے کہا کہ روس ہمارے سفارت کاروں کے خلاف اشتعال انگیز اور مربوط مہم چلا رہا ہے۔ ترجمان کا کہنا تھا کہ روس کی جانب سے لگائے گئے الزامات سراسر جھوٹ اور بے بنیاد ہیں۔
یوکرین جنگ کے باعث لندن اور ماسکو کے درمیان سفارتی تعلقات پہلے ہی نچلی ترین سطح پر ہیں۔ دونوں ممالک کے مابین جاسوسی کے الزامات پر سفارتی عملے کی بے دخلی کا سلسلہ دہائیوں سے جاری ہے، جس میں اکثر ایک ملک کی جانب سے کارروائی کے بعد دوسرا ملک جوابی اقدام اٹھاتا ہے۔
ماضی میں بھی دونوں ممالک کے تعلقات میں تلخی کی کئی بڑی وجوہات رہی ہیں۔ سنہ دو ہزار چھ میں سابق روسی انٹیلی جنس افسر الیگزینڈر لٹوینینکو کی لندن میں زہر دے کر ہلاکت، اور سنہ دو ہزار اٹھارہ میں برطانوی شہر سالسبری میں سابق روسی ڈبل ایجنٹ سرگئی اسکریپل پر اعصابی زہر کے حملے کے واقعات دونوں ممالک کے درمیان شدید کشیدگی کا باعث بنے تھے۔
صدر ڈونلڈ ٹرمپ کے بیجنگ کے دورے اور چینی صدر شی جن پنگ کے ساتھ…
اسلام آباد میں پاکستان تحریک انصاف کے بانی چیئرمین سے ملاقات کے لیے چھ رکنی…
اقوام متحدہ کے سابق ہتھیاروں کے معائنہ کار اور امریکی میرین کور کے انٹیلی جنس…
وزیراعظم شہباز شریف کی جانب سے گلگت بلتستان کے دورے کے دوران خطے میں چار…
کراچی میں پانی کی چوری کی روک تھام کے لیے قائم خصوصی تھانہ خود سنگین…
امریکی صدر ڈونلڈ ٹرمپ چین کے دورے پر پہنچ گئے ہیں، ان کے ہمراہ امریکہ…