واشنگٹن سے موصولہ اطلاعات کے مطابق امریکی نائب صدر جے ڈی وینس ایران اور امریکہ کے درمیان جاری تنازع کو ختم کروانے کے لیے ثالثی کے کردار میں متحرک ہو گئے ہیں۔ اس سلسلے میں منگل کے روز وینس نے پاکستان کے ثالثوں سے رابطہ کیا ہے تاکہ تنازع کے پرامن حل کی راہ ہموار کی جا سکے۔
باخبر ذرائع کا کہنا ہے کہ صدر ڈونلڈ ٹرمپ کی ہدایت پر نائب صدر نے نجی طور پر یہ عندیہ دیا ہے کہ اگر ایران کچھ مخصوص مطالبات تسلیم کر لے تو واشنگٹن جنگ بندی کے لیے تیار ہے۔ ان مطالبات میں آبنائے ہرمز کو دوبارہ کھولنا سرفہرست ہے۔
ذرائع کے مطابق جے ڈی وینس نے ایران کو سخت پیغام بھی پہنچایا ہے کہ صدر ٹرمپ کا صبر جواب دے رہا ہے۔ خبردار کیا گیا ہے کہ اگر تہران کسی معاہدے تک پہنچنے میں ہچکچاہٹ کا مظاہرہ کرتا ہے تو ایرانی تنصیبات پر دباؤ میں اضافہ کیا جائے گا۔
پاکستان اس پورے معاملے میں امریکہ اور ایران کے درمیان ثالث کا کردار ادا کر رہا ہے۔ پانچ ہفتوں سے جاری اس جنگ کو ختم کروانے کی کوششوں میں جے ڈی وینس کا کردار نمایاں ہوتا جا رہا ہے۔
سیاسی تجزیہ کاروں کے مطابق وینس، جنہیں 2028 کے صدارتی انتخابات میں ٹرمپ کا ممکنہ جانشین سمجھا جاتا ہے، طویل امریکی فوجی مداخلت کے حوالے سے محتاط رویہ رکھتے ہیں۔
دوسری جانب صدر ٹرمپ نے ایرانی انفراسٹرکچر پر حملے کی دھمکی تو دی ہے، تاہم انہوں نے ایرانی پاور گرڈ کو نشانہ بنانے کا فیصلہ 6 اپریل تک ملتوی کر دیا ہے تاکہ تہران کے ساتھ کسی حتمی معاہدے تک پہنچنے کی امید برقرار رہے۔
واشنگٹن (خبر رساں ادارے) امریکی صدر ڈونلڈ ٹرمپ نے اعلان کیا ہے کہ امریکا ایران…
پاکستان بحریہ اور چین کی پیپلز لبریشن آرمی نیوی کے مابین مشترکہ بحری مشقیں سی…
ناسا بدھ کی شام چار خلابازوں کو چاند کے گرد دس روزہ مشن پر روانہ…
امریکی نائب صدر جے ڈی وانس نے ایران کے ساتھ جاری تنازع کے حل کے…
واشنگٹن میں امریکی حکام کے مطابق امریکی کمانڈوز نے حالیہ دنوں کے دوران ایکواڈور کی…
فرانسیسی صدر ایمینوئل میکرون نے ٹوکیو کے دورے کے دوران مشرق وسطیٰ میں فوری جنگ…