APP52-020825 ISLAMABAD: August 02 – Deputy Prime Minister and Foreign Minister, Senator Mohammad Ishaq Dar, in a meeting with Iranian Foreign Minister, Seyyed Abbas Araghchi, at Ministry of Foreign Affairs. APP/ABB
ایران نے اسلام آباد میں مذاکرات سے انکار سے متعلق مغربی میڈیا کی رپورٹس کو سختی سے مسترد کرتے ہوئے پاکستان کی سفارتی کوششوں کو سراہا ہے۔ ایرانی وزیر خارجہ سید عباس عراقچی نے سماجی رابطے کی ویب سائٹ پر واضح کیا کہ تہران نے کبھی اسلام آباد جانے سے انکار نہیں کیا اور وہ کشیدگی کے خاتمے کے لیے ہر اس حل کے لیے تیار ہے جو پائیدار امن کی ضمانت دے سکے۔
ایرانی وزیر خارجہ نے اپنے پیغام میں زور دیا کہ ان کی اولین ترجیح ملک پر مسلط کردہ غیر قانونی جنگ کا حتمی اور مستقل خاتمہ ہے۔ انہوں نے پاکستان کی جانب سے ثالثی کے کردار پر شکریہ ادا کیا اور اردو زبان میں پیغام لکھ کر دونوں ممالک کے برادرانہ تعلقات کا اعادہ کیا۔
پاکستان کے نائب وزیراعظم اور وزیر خارجہ اسحاق ڈار نے ایرانی ہم منصب کے بیان کا خیرمقدم کرتے ہوئے اسے برادرانہ اقدام قرار دیا ہے۔ یہ پیشرفت وال اسٹریٹ جرنل کی اس رپورٹ کے بعد سامنے آئی ہے جس میں دعویٰ کیا گیا تھا کہ ایران نے اسلام آباد میں امریکی حکام سے ملاقات سے انکار کر دیا ہے، تاہم تہران نے اس دعوے کو غلط بیانی قرار دے کر مسترد کر دیا ہے۔
خطے میں جاری کشیدگی کے درمیان ایران نے بوشہر جوہری پاور پلانٹ کے قریب ہونے والے حملوں پر شدید تشویش کا اظہار کیا ہے۔ وزیر خارجہ عراقچی نے خبردار کیا کہ ان حملوں سے تابکاری کا خطرہ ہے جو خلیجی ممالک کے دارالحکومتوں کو متاثر کر سکتا ہے۔ انہوں نے پیٹرو کیمیکل تنصیبات پر حملوں کو بھی اسٹریٹجک اہداف کا حصہ قرار دیا۔
جنگ چھٹے ہفتے میں داخل ہو چکی ہے جس کے دوران فضائی کارروائیوں اور سرحد پار حملوں میں تیزی آئی ہے۔ امریکی سینٹرل کمانڈ کے مطابق اب تک 13 امریکی فوجی ہلاک اور 300 سے زائد زخمی ہو چکے ہیں۔ ایران کی جانب سے دو امریکی طیاروں کو مار گرائے جانے کی اطلاعات بھی سامنے آئی ہیں جبکہ ایرانی فورسز لاپتہ امریکی پائلٹ کی تلاش میں مصروف ہیں۔
جنگ کے اثرات خطے کے دیگر ممالک تک بھی پھیل رہے ہیں۔ دبئی میں فضائی مداخلت کے ملبے سے اوریکل کمپنی کی عمارت کو نقصان پہنچا جبکہ کویت میں بھی انفراسٹرکچر کو نشانہ بنایا گیا ہے۔ عالمی سطح پر تیل کی قیمتوں میں اضافے اور خطے میں غیر یقینی صورتحال کے پیش نظر عالمی برادری کی تشویش میں اضافہ ہو رہا ہے۔ ایران نے ان حالات کے باوجود مذاکرات کے دروازے کھلے رکھنے کا عندیہ دیا ہے۔
تہران (ویب ڈیسک) ایرانی پارلیمنٹ کے اسپیکر محمد باقر قالیباف نے کہا ہے کہ تہران…
گڑھی خدا بخش میں سابق وزیراعظم ذوالفقار علی بھٹو کی برسی کے موقع پر خطاب…
وزیراعلیٰ پنجاب مریم نواز نے بڑھتی ہوئی مہنگائی کے پیش نظر موٹر سائیکل سواروں اور…
روس اور یوکرین کے مابین شدید حملوں کا تبادلہ جاری ہے جس کے نتیجے میں…
روس کی سرکاری جوہری کمپنی روس ایٹم نے ایران کے شہر بشہر میں واقع جوہری…
محکمہ موسمیات نے ملک بھر میں پانچ سے نو اپریل کے دوران تیز ہواؤں اور…