بحر الکاہل میں سات روز قبل لاپتہ ہونے والے ایک خاندان کو امریکی کوسٹ گارڈ نے بحفاظت بازیاب کر لیا ہے۔ کوسٹ گارڈ کے مطابق تین افراد پر مشتمل یہ خاندان پیر کے روز زندہ حالت میں ملا۔
ریسکیو کیے جانے والوں میں دو مرد اور ایک خاتون شامل ہیں، جنہیں اس ایک ہفتے کے دوران کسی قسم کی جسمانی چوٹ نہیں پہنچی۔ یہ خاندان تئیس فٹ لمبی کشتی پر سوار تھا جو انجن خراب ہونے کے باعث راستے میں پھنس گئی تھی۔
متاثرہ افراد نے تیس مارچ کو فنانو جزیرے سے موریلو جزیرے کے لیے سفر شروع کیا تھا، تاہم منزل تک نہ پہنچنے پر تلاش کا عمل شروع کیا گیا۔ امریکی کوسٹ گارڈ کے جہاز مِجیٹ کے عملے نے مائیکرونیشیا کے علاقے چووک کے قریب انہیں تلاش کیا۔
تلاش کی یہ مہم چودہ ہزار مربع ناٹیکل میل کے رقبے پر محیط تھی، جہاں سمندر میں لہریں دس فٹ تک بلند ہو رہی تھیں۔ حکام کو اتوار کے روز مائیکرونیشیا کے حکام اور امریکی سفارت خانے کی جانب سے اطلاع ملی تھی کہ کشتی اپنے مقررہ وقت پر نہیں پہنچی۔
کوسٹ گارڈ نے بازیاب ہونے والے افراد کو چووک منتقل کیا جہاں سے انہیں واپس ان کے آبائی علاقے فنانو پہنچا دیا گیا ہے۔ اس ریسکیو آپریشن میں گوام میں قائم جوائنٹ ریسکیو سب سینٹر اور ہیرکولس طیارے سمیت دیگر طبی عملے نے بھی حصہ لیا۔
مائیکرونیشیا میں تعینات امریکی سفیر جینیفر جانسن نے اس کامیاب آپریشن پر کوسٹ گارڈ کے عملے کی پیشہ ورانہ مہارت اور جرات کو سراہا۔ انہوں نے اپنے بیان میں کہا کہ یہ مشن امریکہ اور فیڈریٹڈ اسٹیٹس آف مائیکرونیشیا کے درمیان مضبوط شراکت داری اور باہمی تعاون کی بہترین مثال ہے۔
صدر ڈونلڈ ٹرمپ کے بیجنگ کے دورے اور چینی صدر شی جن پنگ کے ساتھ…
اسلام آباد میں پاکستان تحریک انصاف کے بانی چیئرمین سے ملاقات کے لیے چھ رکنی…
اقوام متحدہ کے سابق ہتھیاروں کے معائنہ کار اور امریکی میرین کور کے انٹیلی جنس…
وزیراعظم شہباز شریف کی جانب سے گلگت بلتستان کے دورے کے دوران خطے میں چار…
کراچی میں پانی کی چوری کی روک تھام کے لیے قائم خصوصی تھانہ خود سنگین…
امریکی صدر ڈونلڈ ٹرمپ چین کے دورے پر پہنچ گئے ہیں، ان کے ہمراہ امریکہ…