بلوچستان کے وزیراعلیٰ کا کہنا ہے کہ کسی بھی نظریے کو طاقت کے زور پر مسلط نہیں کیا جا سکتا

مقبوضہ بیت المقدس میں چالیس روز کی بندش کے بعد مسجد اقصیٰ کو نمازیوں کے لیے کھول دیا گیا ہے، اس موقع پر اسرائیلی حکام نے شہر کے دیگر مقدس مقامات کو بھی کھولنے کا اعلان کیا ہے۔

کوئٹہ سے موصولہ اطلاعات کے مطابق وزیراعلیٰ بلوچستان میر سرفراز بگٹی نے کہا ہے کہ ریاست مظلوموں کے ساتھ کھڑی ہے اور بندوق کے زور پر کوئی نظریہ مسلط نہیں کیا جا سکتا۔ انیسویں نیشنل ورکشاپ کے شرکاء سے خطاب کرتے ہوئے انہوں نے کہا کہ صوبے میں گڈ گورننس کے فروغ کے لیے ٹھوس اقدامات جاری ہیں۔ محکمہ تعلیم میں اساتذہ کی بھرتی سو فیصد میرٹ پر کی گئی ہے جبکہ تین ہزار دو سو بند اسکولوں کو دوبارہ فعال کر دیا گیا ہے۔

وزیراعلیٰ نے خبردار کیا کہ بیرون ملک موجود پاکستان مخالف عناصر سوشل میڈیا کے ذریعے نوجوانوں کو گمراہ کر رہے ہیں اور غیر مصدقہ تاریخی حوالوں سے بلوچستان کے بارے میں منفی تاثر قائم کرنے کی کوشش کر رہے ہیں۔ انہوں نے نوجوانوں پر زور دیا کہ وہ سچ اور جھوٹ میں تمیز کرنے کے لیے مستند تاریخ کا مطالعہ کریں۔ انہوں نے مزید کہا کہ نوجوان پاکستان کا اثاثہ ہیں اور انہیں سوشل میڈیا سمیت ہر محاذ پر ریاست کا دفاع کرنا چاہیے۔

میر سرفراز بگٹی نے آئین کے آرٹیکل پانچ کا حوالہ دیتے ہوئے کہا کہ آئین ریاست سے غیر مشروط وفاداری کا درس دیتا ہے۔ انہوں نے واضح کیا کہ دہشت گردی سے متاثرہ بلوچستان کے عوام کے ساتھ ریاست کھڑی ہے۔ انہوں نے کہا کہ ماضی میں احتجاج کے نام پر شاہراہیں کئی دنوں تک بند رکھی جاتی تھیں لیکن اب ایسا نہیں ہے، کیونکہ آئین جہاں احتجاج کا حق دیتا ہے وہیں عام شہریوں کے حقوق کا تحفظ بھی لازم قرار دیتا ہے۔

وزیراعلیٰ نے دو ٹوک الفاظ میں کہا کہ علیحدگی پسند عناصر کو کوئی رعایت نہیں دی جائے گی۔ انہوں نے مزید کہا کہ لاپتہ افراد کا معاملہ ماضی میں ریاست مخالف پروپیگنڈے کے لیے استعمال کیا جاتا تھا جسے موثر قانون سازی کے ذریعے مستقل بنیادوں پر حل کر لیا گیا ہے۔