انڈونیشیا کے صوبے ویسٹ کالی مانتان میں پیش آنے والے ہیلی کاپٹر کے ایک افسوسناک حادثے میں عملے کے دو ارکان سمیت تمام آٹھ افراد ہلاک ہو گئے ہیں۔ حکام کے مطابق ایئربس ایچ 130 ہیلی کاپٹر جمعرات کی صبح میلاوی کے ایک زرعی علاقے سے اڑان بھرنے کے پانچ منٹ بعد ہی لاپتہ ہو گیا تھا۔
انڈونیشیا کی ریسکیو ایجنسی کے سربراہ محمد سیافی نے بتایا کہ حادثے کا شکار ہونے والا ہیلی کاپٹر میتھیو ایئر نوسانتارا نامی کمپنی کا تھا اور یہ ایک مقامی پام آئل کمپنی سترا مہکوتا کے زیر انتظام علاقے سے روانہ ہوا تھا۔
محمد سیافی کے مطابق ہیلی کاپٹر کا ملبہ ابتدائی رابطے کے مقام سے تقریباً تین کلومیٹر مغرب میں گھنے جنگلات اور دشوار گزار پہاڑی سلسلے میں پایا گیا ہے۔ ریسکیو ٹیموں کو ہیلی کاپٹر کی دم کا کچھ حصہ بھی ملا ہے جس سے حادثے کی تصدیق ہوئی۔
حکام نے تاحال اس المناک واقعے کی وجوہات واضح نہیں کی ہیں۔ جمعہ کے روز فوجی اور پولیس اہلکاروں پر مشتمل امدادی ٹیمیں زمینی راستوں سے حادثے کے مقام تک پہنچنے کی کوشش کر رہی ہیں تاکہ لاشوں اور ہیلی کاپٹر کے باقی ماندہ ملبے کو نکالا جا سکے۔
لاہور اتھارٹی فار ہیریٹیج ریوائیول کے زیر اہتمام شروع کیے گئے تاریخی ورثے کی بحالی…
آسٹریلیا نے ایران کے ساتھ جاری کشیدگی میں کسی بھی قسم کی شمولیت سے انکار…
نائب وزیراعظم اور وزیر خارجہ سینیٹر محمد اسحاق ڈار نے ترکیہ میں جاری انطالیہ ڈپلومیسی…
نیٹو کے رکن ملک ایسٹونیا کے وزیر دفاع ہانو پیوکر نے کہا ہے کہ انہیں…
واشنگٹن میں جاری عالمی مالیاتی فنڈ (آئی ایم ایف) کے موسم بہار کے اجلاسوں کے…
ہالی وڈ کی مشہور ترین فلمی فرنچائز ایوینجرز کے مرکزی کرداروں رابرٹ ڈاؤنی جونیئر اور…