پاکستان نے صومالی لینڈ میں اسرائیلی سفارتی نمائندے کی تعیناتی کے اعلان کو مسترد کرتے ہوئے اس کی شدید مذمت کی ہے۔ اسلام آباد سمیت گیارہ دیگر ممالک کے ساتھ مل کر جاری کیے گئے مشترکہ بیان میں اس اقدام کو صومالیہ کی خود مختاری اور علاقائی سالمیت کی کھلی خلاف ورزی قرار دیا گیا ہے۔
دفتر خارجہ کے ترجمان کے مطابق پاکستان اور دیگر شریک ممالک نے صومالی لینڈ کو تسلیم کرنے کی کسی بھی کوشش کو یکسر مسترد کر دیا ہے۔ وزرائے خارجہ نے متفقہ طور پر یکطرفہ اقدامات کے خلاف دو ٹوک موقف اختیار کرتے ہوئے زور دیا ہے کہ یہ پیش رفت بین الاقوامی قوانین کی سنگین پامالی ہے۔
ترجمان نے صومالیہ کی وحدت اور خود مختاری کے لیے پاکستان کی مکمل حمایت کا اعادہ کیا ہے۔ مشترکہ بیان میں واضح کیا گیا ہے کہ اسرائیل کا یہ اقدام اقوام متحدہ کے چارٹر اور افریقی یونین کے بنیادی اصولوں کے منافی ہے۔
مذکورہ ممالک نے خبردار کیا ہے کہ ایسے اقدامات علاقائی امن اور استحکام کے لیے ایک خطرناک مثال قائم کر سکتے ہیں۔ پاکستان کی جانب سے جاری کردہ پریس ریلیز نمبر 103/2026 میں اس بات پر زور دیا گیا ہے کہ عالمی برادری کو اس معاملے میں بین الاقوامی قوانین کی پاسداری کو یقینی بنانا چاہیے۔
صدر ڈونلڈ ٹرمپ کے بیجنگ کے دورے اور چینی صدر شی جن پنگ کے ساتھ…
اسلام آباد میں پاکستان تحریک انصاف کے بانی چیئرمین سے ملاقات کے لیے چھ رکنی…
اقوام متحدہ کے سابق ہتھیاروں کے معائنہ کار اور امریکی میرین کور کے انٹیلی جنس…
وزیراعظم شہباز شریف کی جانب سے گلگت بلتستان کے دورے کے دوران خطے میں چار…
کراچی میں پانی کی چوری کی روک تھام کے لیے قائم خصوصی تھانہ خود سنگین…
امریکی صدر ڈونلڈ ٹرمپ چین کے دورے پر پہنچ گئے ہیں، ان کے ہمراہ امریکہ…