میکسیکو کے مشہور تاریخی مقام تیوتہواکان کے اہراموں پر پیر کے روز ایک مسلح شخص کی فائرنگ کے نتیجے میں کینیڈا سے تعلق رکھنے والی ایک سیاح خاتون ہلاک جبکہ کم از کم چار افراد زخمی ہو گئے۔ مقامی حکام کے مطابق حملہ آور نے فائرنگ کے بعد خود کو گولی مار کر اپنی زندگی کا خاتمہ کر لیا۔
سیکیورٹی کابینہ کی جانب سے جاری بیان میں بتایا گیا ہے کہ واقعے کے دوران فائرنگ کی زد میں آ کر چار افراد زخمی ہوئے جبکہ دو دیگر افراد افراتفری کے عالم میں گرنے سے زخمی ہوئے۔ جائے وقوعہ سے ایک آتشیں اسلحہ، ایک دھار دار آلہ اور کارتوس برآمد کیے گئے ہیں۔
سوشل میڈیا پر وائرل ہونے والی ویڈیوز میں ایک مسلح شخص کو مون پیرامڈ کی چوٹی کے قریب دیکھا جا سکتا ہے جبکہ دوسری ویڈیو میں فائرنگ کی آوازیں سنی جا سکتی ہیں جس کے بعد سیاحوں میں بھگدڑ مچ گئی۔
میکسیکو کی صدر کلاڈیا شین بائیم نے واقعے پر گہرے دکھ اور افسوس کا اظہار کیا ہے۔ انہوں نے اپنے بیان میں کہا کہ تیوتہواکان میں پیش آنے والا واقعہ انتہائی تکلیف دہ ہے اور وہ متاثرہ افراد اور ان کے اہل خانہ کے ساتھ یکجہتی کا اظہار کرتی ہیں۔ صدر کے مطابق میکسیکو کی حکومت کینیڈین سفارت خانے کے ساتھ مسلسل رابطے میں ہے۔
تیوتہواکان کے یہ تاریخی اہرام میکسیکو سٹی سے تیس میل شمال میں واقع ہیں اور ملک کے اہم ترین آثار قدیمہ میں شمار ہوتے ہیں جہاں ہر سال لاکھوں کی تعداد میں سیاح دورہ کرتے ہیں۔
صدر ڈونلڈ ٹرمپ کے بیجنگ کے دورے اور چینی صدر شی جن پنگ کے ساتھ…
اسلام آباد میں پاکستان تحریک انصاف کے بانی چیئرمین سے ملاقات کے لیے چھ رکنی…
اقوام متحدہ کے سابق ہتھیاروں کے معائنہ کار اور امریکی میرین کور کے انٹیلی جنس…
وزیراعظم شہباز شریف کی جانب سے گلگت بلتستان کے دورے کے دوران خطے میں چار…
کراچی میں پانی کی چوری کی روک تھام کے لیے قائم خصوصی تھانہ خود سنگین…
امریکی صدر ڈونلڈ ٹرمپ چین کے دورے پر پہنچ گئے ہیں، ان کے ہمراہ امریکہ…