اسلام آباد میں نائب وزیراعظم اور وزیر خارجہ اسحاق ڈار اور چین کے سفیر جیانگ زی ڈونگ کے درمیان اہم ملاقات ہوئی جس میں خطے کی مجموعی صورتحال پر تبادلہ خیال کیا گیا۔
ملاقات کے دوران چینی سفیر نے امریکہ اور ایران کے درمیان مذاکرات کے عمل کو فروغ دینے کے لیے پاکستان کی کوششوں کو سراہا۔ جیانگ زی ڈونگ نے اس بات پر زور دیا کہ خطے میں دیرپا امن اور استحکام کے لیے پاکستان کا کردار انتہائی اہمیت کا حامل ہے۔
ترجمان دفتر خارجہ کے مطابق چین نے خطے میں امن اور استحکام کے لیے پاکستان کی کاوشوں کی مکمل حمایت کا اعادہ کیا ہے۔ ملاقات میں دونوں رہنماؤں نے اس بات پر اتفاق کیا کہ امریکہ اور ایران کے درمیان بات چیت کے عمل کو آگے بڑھانا عالمی اور علاقائی امن کے لیے ناگزیر ہے۔
اس موقع پر پاک چین آل ویدر اسٹریٹجک کوآپریٹو پارٹنرشپ کی اہمیت کو اجاگر کرتے ہوئے دونوں ممالک نے اعلیٰ سطح کے تبادلوں کو جاری رکھنے اور دوطرفہ تعاون کو مزید مستحکم کرنے کے عزم کا اظہار کیا۔
سابق وزیراعظم اور پاکستان مسلم لیگ ن کے صدر نواز شریف نے کہا ہے کہ…
امریکی صدر ڈونلڈ ٹرمپ نے کہا ہے کہ انہیں قوی امید ہے کہ ایران کے…
اسلام آباد (پی آر) سارک چیمبر آف کامرس اینڈ انڈسٹری کے صدر چنڈی راج ڈھاکل…
امریکی صدر ڈونلڈ ٹرمپ نے اعلان کیا ہے کہ وہ ایران کے ساتھ موجودہ جنگ…
سابق وزیراعظم اور پاکستان مسلم لیگ ن کے صدر نواز شریف نے کہا ہے کہ…
پاکستان اور بھارت کے درمیان فضائی حدود پر پابندیوں کا ایک سال مکمل ہو چکا…