صدر ڈونلڈ ٹرمپ نے منگل کے روز کہا ہے کہ امریکہ متحدہ عرب امارات کی مالی معاونت پر غور کر رہا ہے اور اس ضمن میں دونوں ممالک کے درمیان کرنسی کے تبادلے کا معاہدہ زیر غور ہے۔
سی این بی سی سے گفتگو کرتے ہوئے صدر ٹرمپ نے اس بات کی تصدیق کی کہ متحدہ عرب امارات کے ساتھ کرنسی کے تبادلے کے آپشن پر کام کیا جا رہا ہے۔ انہوں نے متحدہ عرب امارات کو ایک بہترین اتحادی قرار دیتے ہوئے کہا کہ اس ملک کی قیادت انتہائی قابل لوگوں کے ہاتھ میں ہے۔
صدر ٹرمپ نے حیرت کا اظہار کرتے ہوئے کہا کہ متحدہ عرب امارات ایک مالدار ملک ہے تاہم اگر انہیں ضرورت پڑی تو امریکہ ان کی مدد کے لیے تیار ہے۔ انہوں نے مزید کہا کہ ہم پہلے ہی ایران کے خلاف جاری جنگ میں اپنے اقدامات کے ذریعے ان کی بھرپور مدد کر رہے ہیں۔
وال اسٹریٹ جرنل کی رپورٹ کے مطابق گزشتہ ہفتے واشنگٹن میں ہونے والی ملاقاتوں میں متحدہ عرب امارات کے مرکزی بینک کے گورنر نے امریکی وزیر خزانہ اسکاٹ بیسنٹ اور فیڈرل ریزرو کے حکام کے سامنے کرنسی سویپ لائن کا خیال پیش کیا تھا۔ یہ تجویز اس خدشے کے پیش نظر دی گئی کہ اگر خطے میں جاری جنگ شدت اختیار کر گئی تو تیل سے مالا مال یہ ملک کسی گہرے بحران کا شکار ہو سکتا ہے۔
صدر ٹرمپ نے اپنے بیان میں واضح کیا کہ اگرچہ انہیں اس بات پر یقین کرنا مشکل ہے کہ متحدہ عرب امارات کو کوئی مالی مسئلہ درپیش ہو سکتا ہے لیکن اگر ایسا کوئی بحران پیدا ہوا تو امریکہ ان کی پشت پر کھڑا ہوگا۔
صدر ڈونلڈ ٹرمپ کے بیجنگ کے دورے اور چینی صدر شی جن پنگ کے ساتھ…
اسلام آباد میں پاکستان تحریک انصاف کے بانی چیئرمین سے ملاقات کے لیے چھ رکنی…
اقوام متحدہ کے سابق ہتھیاروں کے معائنہ کار اور امریکی میرین کور کے انٹیلی جنس…
وزیراعظم شہباز شریف کی جانب سے گلگت بلتستان کے دورے کے دوران خطے میں چار…
کراچی میں پانی کی چوری کی روک تھام کے لیے قائم خصوصی تھانہ خود سنگین…
امریکی صدر ڈونلڈ ٹرمپ چین کے دورے پر پہنچ گئے ہیں، ان کے ہمراہ امریکہ…