فیفا ورلڈ کپ 2026 کے آغاز میں محض 50 دن باقی رہ گئے ہیں، جس کے پیش نظر فٹ بال کی عالمی تنظیم فیفا نے بدھ کے روز سے ٹکٹوں کی فروخت کے آخری مرحلے کا آغاز کر دیا ہے۔ شائقین اب تمام 104 میچوں کے لیے پہلے آئیے پہلے پائیے کی بنیاد پر ٹکٹ حاصل کر سکیں گے۔
فیفا کے مطابق ٹورنامنٹ کے لیے مجموعی طور پر 6 ملین سے زائد ٹکٹ مختص کیے گئے ہیں جن میں سے اب تک 5 ملین سے زائد ٹکٹ فروخت ہو چکے ہیں۔ یہ میگا ایونٹ 11 جون سے امریکہ، میکسیکو اور کینیڈا میں شروع ہوگا۔
فیفا حکام کا کہنا ہے کہ فروخت کے اس مرحلے میں کیٹیگری 1 سے 3 تک کے ٹکٹ اور فرنٹ رو سیٹس دستیاب ہوں گی۔ میچ کی نوعیت کے مطابق ٹکٹوں کی دستیابی کا عمل 19 جولائی کو ہونے والے فائنل تک جاری رہے گا۔
ٹکٹوں کی قیمتوں پر ہونے والی تنقید کے جواب میں فیفا نے وضاحت کی ہے کہ متحرک قیمتوں کے بجائے متغیر قیمتوں کا طریقہ کار استعمال کیا جا رہا ہے، جس میں مانگ اور دستیابی کی بنیاد پر قیمتوں کا تعین کیا جاتا ہے۔ گزشتہ ماہ امریکی قانون سازوں کے ایک گروپ نے فیفا سے مطالبہ کیا تھا کہ قیمتوں میں کمی کی جائے تاکہ عام شائقین کی شرکت ممکن ہو سکے۔
مداحوں کے لیے آسانی پیدا کرنے کی غرض سے دسمبر میں 60 ڈالر مالیت کے سپورٹر انٹری ٹیر ٹکٹ متعارف کرائے گئے تھے، جو شریک ٹیموں کے کوٹے کا 10 فیصد حصہ ہوں گے۔ بدھ کے روز ٹکٹوں کی فروخت کا عمل مشرقی معیاری وقت کے مطابق صبح 11 بجے شروع کیا گیا۔
ہسپانیہ میں غیر قانونی تارکین وطن کو قانونی حیثیت دینے کے لیے ایک نیا عام…
ایران نے اسرائیل کے لیے جاسوسی کے الزام میں ایک اور شخص کو سزائے موت…
تہران نے ملکی قیادت کے درمیان کسی بھی قسم کے اختلافات کی خبروں کو مسترد…
امریکی صدر ڈونلڈ ٹرمپ نے دعویٰ کیا ہے کہ ان کی ذاتی اپیل پر ایران…
میکسیکو کی صدر کلاڈیا شینبام نے انکشاف کیا ہے کہ میکسیکو کی فوج کو سرحدی…
عالمی بینک نے پاکستان کو جنوبی ایشیا کے گروپ سے نکال کر مشرق وسطیٰ اور…