نئی دہلی میں امریکی صدر ڈونلڈ ٹرمپ کی جانب سے بھارت کے حوالے سے استعمال کیے گئے توہین آمیز الفاظ نے ملکی سیاست میں بھونچال پیدا کر دیا ہے۔ سوشل میڈیا پلیٹ فارم پر صدر ٹرمپ کی جانب سے بھارت کو ہیل ہول یعنی جہنم قرار دیے جانے کے بعد بھارتی اپوزیشن جماعتوں نے حکومت کو شدید تنقید کا نشانہ بنایا ہے۔
انڈین نیشنل کانگریس نے امریکی صدر کے بیان کو نہ صرف توہین آمیز بلکہ ملک دشمن قرار دیتے ہوئے مسترد کر دیا ہے۔ کانگریسی رہنماؤں کا کہنا ہے کہ وزیر اعظم نریندر مودی کی کمزور سفارت کاری اور ناکام پالیسیوں نے بھارت کو عالمی سطح پر تنہائی کے دہانے پر لا کھڑا کیا ہے۔
حزب اختلاف کے رہنماؤں کے مطابق مودی حکومت کی ہندوتوا پر مبنی نظریاتی پالیسیوں نے بھارت کے عالمی وقار کو بری طرح مجروح کیا ہے۔ کانگریس نے اس بات پر بھی گہری تشویش کا اظہار کیا ہے کہ امریکی صدر کے بار بار کے بیانات کے باوجود موجودہ حکومت مجرمانہ خاموشی اختیار کیے ہوئے ہے۔
سیاسی تجزیہ کاروں کا کہنا ہے کہ کسی ملک کے بارے میں اس طرح کی زبان کا استعمال انسانی حقوق کی صورتحال سمیت ملک کے اندرونی حالات پر بڑھتی ہوئی بین الاقوامی جانچ پڑتال کا عکاس ہے۔ ماہرین کے مطابق امریکہ اور بھارت کے تعلقات میں بڑھتی ہوئی کشیدگی اور دوری اب واضح طور پر دیکھی جا سکتی ہے جو مستقبل میں دونوں ممالک کے درمیان دوطرفہ تعلقات پر اثر انداز ہو سکتی ہے۔
دوسری جانب ناقدین کا ماننا ہے کہ مودی سرکار کا سفارتی نقطہ نظر اور عالمی تنقید پر خاموشی اختیار کرنے کا رویہ بھارت کے لیے سفارتی چیلنجز میں اضافے کا باعث بن رہا ہے۔ ان اثرات کا مشاہدہ بھارت کی عالمی حیثیت میں تنزلی کی صورت میں کیا جا رہا ہے۔
واشنگٹن میں امریکی حکام کے مطابق امریکی افواج نے بحر ہند میں ایک جہاز کو…
لاہور ہائی کورٹ نے چیف جسٹس عالیہ نیلم کی منظوری کے بعد پنجاب بھر میں…
متحدہ عرب امارات نے اعلان کیا ہے کہ آئندہ دو برسوں کے دوران ملک کے…
دفتر خارجہ نے بھارت کی جانب سے پہلگام واقعے میں پاکستان کو ملوث کرنے کے…
لندن میں ٹین ڈاؤننگ اسٹریٹ کے قریب ایران مخالف جنگی مظاہرے کے دوران چاقو زنی…
اسلام آباد۔ لائن آف کنٹرول پر بھارتی فوج کی جانب سے دو مبینہ عسکریت پسندوں…