امریکی محکمہ انصاف نے وینزویلا کے صدر نکولس مادورو کی حکومت کے خاتمے اور فوجی کارروائی سے متعلق خفیہ معلومات کا غلط استعمال کرنے کے الزام میں امریکی اسپیشل فورسز کے ایک اہلکار کو گرفتار کر لیا ہے۔ گرفتار اہلکار گینن کین وین ڈائیک پر الزام ہے کہ انہوں نے حساس سرکاری معلومات کی بنیاد پر سٹے بازی کے ذریعے چار لاکھ ڈالر سے زائد کی غیر قانونی کمائی کی۔
سرکاری فرد جرم کے مطابق ملزم نے پولی مارکیٹ نامی کرپٹو بیسڈ پلیٹ فارم پر وینزویلا میں امریکی مداخلت اور صدر مادورو کی معزولی سے متعلق چار مختلف شرطوں پر 33 ہزار 933 ڈالر کی سرمایہ کاری کی۔ اس جوا بازی سے ملزم کو ایک ہزار 242 فیصد منافع حاصل ہوا اور مجموعی طور پر چار لاکھ 4 ہزار 222 ڈالر کمائے گئے۔
محکمہ انصاف کے حکام کا کہنا ہے کہ یہ واضح طور پر ان سائیڈر ٹریڈنگ کا کیس ہے جو وفاقی قوانین کے تحت سنگین جرم ہے۔ ملزم پر خفیہ معلومات کے ذاتی مفاد میں استعمال، کموڈیٹیز فراڈ، وائر فراڈ اور سرکاری معلومات چرانے کی فرد جرم عائد کی گئی ہے۔ حکام کے مطابق ملزم نے اپنی ذمہ داری نبھانے کے بجائے حساس معلومات کو ذاتی مالی فائدے کے لیے استعمال کیا۔
انکشاف ہوا ہے کہ غیر معمولی ٹریڈنگ کی خبریں سامنے آنے کے بعد ملزم نے شواہد مٹانے کی کوشش کی۔ اس مقصد کے لیے انہوں نے اپنا پولی مارکیٹ اکاؤنٹ ڈیلیٹ کیا اور کرپٹو ایکسچینج اکاؤنٹ سے منسلک ای میل ایڈریس بھی تبدیل کر دیا تھا۔
واضح رہے کہ رواں برس جنوری میں امریکی صدر ڈونلڈ ٹرمپ نے آپریشن ایبسلوٹ ریزولو کا آغاز کیا تھا جس کا مقصد صدر نکولس مادورو اور ان کی اہلیہ کو حراست میں لے کر ہتھیاروں کی سمگلنگ اور منشیات کے الزامات میں نیویارک منتقل کرنا تھا۔ اسی آپریشن سے متعلق خفیہ معلومات کا غلط استعمال گینن کین وین ڈائیک کی گرفتاری کا سبب بنا۔
وائٹ ہاؤس میں ہونے والی ملاقات کے دوران اسرائیل اور لبنان کے مابین جنگ بندی…
امریکی محکمہ انصاف نے انکشاف کیا ہے کہ وینزویلا کے سابق صدر نکولس مادورو کی…
بھارت کے وزیر دفاع راج ناتھ سنگھ کے دورہ جرمنی کے دوران پیش آنے والا…
قومی سلامتی کمیٹی نے پہلگام واقعے کے بعد پیدا ہونے والی صورتحال پر سخت اور…
جنوبی کوریا کے استغاثہ نے جمعہ کے روز سابق صدر یون سک یول کے لیے…
پاکستان اسٹاک ایکسچینج میں کاروباری ہفتے کے آخری روز شدید مندی کا رجحان رہا اور…