نائب وزیراعظم اور وزیر خارجہ سینیٹر محمد اسحاق ڈار اور ایرانی وزیر خارجہ عباس عراقچی کے درمیان ٹیلی فونک رابطہ ہوا ہے جس میں خطے کی صورتحال اور امریکا ایران کشیدگی کے تناظر میں جاری سفارتی کوششوں پر تبادلہ خیال کیا گیا۔
دفتر خارجہ کے مطابق دونوں رہنماؤں نے خطے میں امن و استحکام کے لیے جاری سفارتی اقدامات اور جنگ بندی کے معاملات کا جائزہ لیا۔ اس موقع پر نائب وزیراعظم اسحاق ڈار نے زور دیا کہ دیرینہ مسائل کے حل اور خطے میں قیام امن کے لیے مسلسل بات چیت اور رابطے انتہائی ناگزیر ہیں۔
ایرانی وزیر خارجہ عباس عراقچی نے فریقین کے درمیان مذاکرات کو فروغ دینے اور خطے میں امن کے قیام کے لیے پاکستان کے مستقل اور تعمیری کردار کو سراہا۔
دونوں رہنماؤں نے اس بات پر اتفاق کیا کہ بدلتی ہوئی علاقائی صورتحال کے پیش نظر مستقبل میں بھی قریبی رابطے برقرار رکھے جائیں گے۔
واضح رہے کہ امریکا اور ایران کے مابین موجودہ کشیدگی، خاص طور پر آبنائے ہرمز کی بندش اور ایرانی بندرگاہوں پر امریکی ناکہ بندی کے باعث پیدا ہونے والے تناؤ کے سبب اسلام آباد میں متوقع مذاکرات کا دوسرا دور فی الحال ملتوی کر دیا گیا ہے۔
صدر ڈونلڈ ٹرمپ کے بیجنگ کے دورے اور چینی صدر شی جن پنگ کے ساتھ…
اسلام آباد میں پاکستان تحریک انصاف کے بانی چیئرمین سے ملاقات کے لیے چھ رکنی…
اقوام متحدہ کے سابق ہتھیاروں کے معائنہ کار اور امریکی میرین کور کے انٹیلی جنس…
وزیراعظم شہباز شریف کی جانب سے گلگت بلتستان کے دورے کے دوران خطے میں چار…
کراچی میں پانی کی چوری کی روک تھام کے لیے قائم خصوصی تھانہ خود سنگین…
امریکی صدر ڈونلڈ ٹرمپ چین کے دورے پر پہنچ گئے ہیں، ان کے ہمراہ امریکہ…