روسی وزیر دفاع آندرے بیلووسوف نے پیر کے روز کرغزستان میں ایران کے نائب وزیر دفاع رضا طلائی نیک سے ملاقات کی۔ سرکاری خبر رساں ایجنسی ٹاس کے مطابق اس اہم ملاقات میں خطے کی صورتحال اور باہمی دلچسپی کے امور پر تبادلہ خیال کیا گیا۔
روسی وزیر دفاع نے اس موقع پر اپنے دیرینہ موقف کا اعادہ کیا کہ ایران سے متعلق تنازعات کا حل صرف اور صرف سفارتی ذرائع سے ہی ممکن ہے۔ انہوں نے اس یقین کا اظہار کیا کہ ماسکو اور تہران مستقبل میں بھی ایک دوسرے کی مکمل حمایت جاری رکھیں گے۔
ایرانی نائب وزیر دفاع نے اپنے دورے کے دوران روس کے قریبی اتحادی ملک بیلاروس کا بھی دورہ کیا۔ بیلاروس کی وزارت دفاع کے مطابق رضا طلائی نیک نے بیلاروس کے وزیر دفاع وکٹر خرینن سے ملاقات کی جس میں مشرق وسطیٰ کی کشیدہ صورتحال پر غور کیا گیا۔
بیلاروس کی سرکاری خبر رساں ایجنسی بیلٹا کے مطابق دونوں رہنماؤں نے اس بات پر اتفاق کیا کہ تنازعہ کے حل کا واحد راستہ سیاسی و سفارتی مذاکرات کے عمل کو تیز کرنا ہے۔ ملاقات میں منسک اور تہران کے مابین باہمی تعاون کو مزید فروغ دینے پر بھی اتفاق کیا گیا۔
دریں اثنا ماسکو میں روسی صدر ولادیمیر پیوٹن نے ایرانی وزیر خارجہ عباس عراقچی سے ملاقات کی۔ روسی صدر نے امریکی اور اسرائیلی دباؤ کے باوجود اپنی خودمختاری کے تحفظ کے لیے ایرانی عوام کی جدوجہد کو سراہا۔ ولادیمیر پیوٹن نے واضح کیا کہ ماسکو تہران کی ہر ممکن مدد جاری رکھے گا۔
صدر ڈونلڈ ٹرمپ کے بیجنگ کے دورے اور چینی صدر شی جن پنگ کے ساتھ…
اسلام آباد میں پاکستان تحریک انصاف کے بانی چیئرمین سے ملاقات کے لیے چھ رکنی…
اقوام متحدہ کے سابق ہتھیاروں کے معائنہ کار اور امریکی میرین کور کے انٹیلی جنس…
وزیراعظم شہباز شریف کی جانب سے گلگت بلتستان کے دورے کے دوران خطے میں چار…
کراچی میں پانی کی چوری کی روک تھام کے لیے قائم خصوصی تھانہ خود سنگین…
امریکی صدر ڈونلڈ ٹرمپ چین کے دورے پر پہنچ گئے ہیں، ان کے ہمراہ امریکہ…