ایرانی قدس فورس کے کمانڈر بریگیڈیئر جنرل اسماعیل قائنی نے غزہ کے لیے انسانی امداد لے جانے والے فلوٹیلا قافلے پر اسرائیلی حملے کی شدید مذمت کی ہے۔ تہران سے موصولہ اطلاعات کے مطابق جنرل اسماعیل قائنی نے جہاز پر موجود فلسطین کے حامی کارکنوں کو حراست میں لینے کے عمل کو ناقابل قبول قرار دیا ہے۔
ایرانی کمانڈر کا کہنا ہے کہ اسرائیل کا یہ اقدام بین الاقوامی قوانین اور انسانی اصولوں کی کھلی خلاف ورزی ہے۔ انہوں نے اس واقعے پر سخت ردعمل دیتے ہوئے اسے بین الاقوامی ضابطوں کے منافی قرار دیا ہے۔
دوسری جانب ایران نے پاکستان کے توسط سے امریکہ کو مذاکرات کی نئی تجاویز ارسال کر دی ہیں۔ اسلام آباد میں تعینات ایرانی سفیر رضا امیری مقدم نے ایک انٹرویو میں تصدیق کی ہے کہ ایران نے اپنا نیا مذاکراتی پلان پاکستان کے ذریعے امریکہ تک پہنچا دیا ہے۔
ایرانی سفیر کے مطابق مذاکرات میں پیش رفت کا انحصار مکمل طور پر امریکی رویے میں تبدیلی پر ہے۔ انہوں نے واضح کیا کہ تہران اپنے قومی مفادات اور دفاعی معاملات پر کسی قسم کا سمجھوتہ نہیں کرے گا اور اگر امریکہ کسی مفاہمت تک پہنچنے میں سنجیدہ ہے تو اسے اپنے طرزِ عمل میں تبدیلی لانا ہوگی۔
رضا امیری مقدم نے اس عمل میں پاکستان کے کردار کو مرکزی حیثیت دیتے ہوئے کہا کہ اس پورے عمل میں پاکستان کا بطور ثالث کردار بدستور برقرار ہے۔
صدر ڈونلڈ ٹرمپ کے بیجنگ کے دورے اور چینی صدر شی جن پنگ کے ساتھ…
اسلام آباد میں پاکستان تحریک انصاف کے بانی چیئرمین سے ملاقات کے لیے چھ رکنی…
اقوام متحدہ کے سابق ہتھیاروں کے معائنہ کار اور امریکی میرین کور کے انٹیلی جنس…
وزیراعظم شہباز شریف کی جانب سے گلگت بلتستان کے دورے کے دوران خطے میں چار…
کراچی میں پانی کی چوری کی روک تھام کے لیے قائم خصوصی تھانہ خود سنگین…
امریکی صدر ڈونلڈ ٹرمپ چین کے دورے پر پہنچ گئے ہیں، ان کے ہمراہ امریکہ…