ویڈیو گیمز فروخت کرنے والی کمپنی گیم اسٹاپ نے ای بے کو خریدنے کی پیشکش کر دی ہے۔ یہ سودا 55 اعشاریہ 5 ارب ڈالر کی مالیت کا ہے جس کے تحت گیم اسٹاپ ای بے کے آن لائن پلیٹ فارم کا کنٹرول سنبھالنا چاہتی ہے۔
اتوار کے روز جاری کردہ پیشکش کے مطابق گیم اسٹاپ 125 ڈالر فی شیئر کی قیمت ادا کرے گی، جس کی ادائیگی نقد رقم اور اسٹاک کی صورت میں کی جائے گی۔ ٹیکساس میں قائم گیم اسٹاپ پہلے ہی ای بے کے پانچ فیصد حصص کی مالک ہے۔
گیم اسٹاپ کے چیف ایگزیکٹو آفیسر ریان کوہن نے ای بے کے بورڈ آف ڈائریکٹرز کے چیئرمین کو خط لکھا ہے جس میں ان کا کہنا ہے کہ ٹی ڈی سیکیورٹیز نے اس سودے کی فنڈنگ کے لیے 20 ارب ڈالر فراہم کرنے کی یقین دہانی کرائی ہے۔
ای بے نے پیر کے روز اپنے ردعمل میں کہا ہے کہ کمپنی اس غیر متوقع پیشکش کا بغور جائزہ لے رہی ہے تاکہ ایسے فیصلے تک پہنچا جا سکے جو کمپنی اور تمام شیئر ہولڈرز کے مفاد میں ہو۔
وال اسٹریٹ جرنل کے مطابق اگر ای بے نے اس پیشکش کو مسترد کیا تو ریان کوہن اسے حاصل کرنے کے لیے جارحانہ اقدام اٹھانے کے لیے تیار ہیں۔ کوہن کا ماننا ہے کہ ای بے ایمیزون کا ایک حقیقی حریف بننے کی صلاحیت رکھتی ہے اور اس کی موجودہ مالیت کو سینکڑوں ارب ڈالرز تک پہنچایا جا سکتا ہے۔
مارکیٹ میں گیم اسٹاپ کی مجموعی مالیت تقریباً 12 ارب ڈالر ہے، جبکہ ای بے کی مالیت 49 ارب ڈالر کے قریب ہے۔ پیر کے روز ابتدائی ٹریڈنگ کے دوران گیم اسٹاپ کے حصص میں دو فیصد کمی دیکھی گئی جبکہ ای بے کے حصص کی قیمت پانچ فیصد اضافے کے ساتھ 109 اعشاریہ 72 ڈالر تک پہنچ گئی۔
صدر ڈونلڈ ٹرمپ کے بیجنگ کے دورے اور چینی صدر شی جن پنگ کے ساتھ…
اسلام آباد میں پاکستان تحریک انصاف کے بانی چیئرمین سے ملاقات کے لیے چھ رکنی…
اقوام متحدہ کے سابق ہتھیاروں کے معائنہ کار اور امریکی میرین کور کے انٹیلی جنس…
وزیراعظم شہباز شریف کی جانب سے گلگت بلتستان کے دورے کے دوران خطے میں چار…
کراچی میں پانی کی چوری کی روک تھام کے لیے قائم خصوصی تھانہ خود سنگین…
امریکی صدر ڈونلڈ ٹرمپ چین کے دورے پر پہنچ گئے ہیں، ان کے ہمراہ امریکہ…