متحدہ عرب امارات میں آج بروز بدھ مسلح افواج کے اتحاد کی پچاسویں سالگرہ انتہائی جوش و خروش سے منائی جا رہی ہے۔ یہ دن اماراتی تاریخ میں ایک اہم سنگ میل کی حیثیت رکھتا ہے جس نے ملک کے دفاعی ڈھانچے کو ایک نئی سمت دی۔
صدر شیخ محمد بن زاید النہیان نے اس موقع پر اپنے پیغام میں کہا کہ متحدہ عرب امارات کی اصل طاقت اس کے عوام اور اتحاد میں مضمر ہے۔ انہوں نے زور دیا کہ مسلح افواج کی ہمت، عزم اور مستعدی ملک کے استحکام اور خودمختاری کے تحفظ میں کلیدی کردار ادا کرتی ہے۔
تاریخی تناظر میں چھ مئی 1976 کو ملک کی مختلف دفاعی قوتوں کو ایک مرکزی کمان کے تحت یکجا کیا گیا تھا جس سے ایک منظم قومی دفاعی نظام کی بنیاد پڑی۔ صدر شیخ محمد بن زاید النہیان نے مسلح افواج کے افسران، جوانوں اور شہداء کو خراجِ تحسین پیش کرتے ہوئے انہیں قوم کا محافظ قرار دیا۔
صدر نے مزید کہا کہ یہ سالگرہ نہ صرف ایک تاریخی یادگار ہے بلکہ یہ اتحاد، وفاداری اور مسلسل قومی تیاری کی علامت بھی ہے۔ یہ دن ایسے وقت میں منایا جا رہا ہے جب خطے کو سیکیورٹی کے پیچیدہ چیلنجز کا سامنا ہے، جس سے اماراتی قیادت کے مضبوط دفاعی صلاحیتوں کو برقرار رکھنے کے عزم کا اعادہ ہوتا ہے۔
گزشتہ پانچ دہائیوں کے دوران اماراتی مسلح افواج نے نہ صرف ملکی سرحدوں اور مفادات کا تحفظ کیا ہے بلکہ علاقائی استحکام، انسانی امدادی سرگرمیوں اور قومی سلامتی کے وسیع تر مقاصد میں بھی نمایاں کردار ادا کیا ہے۔
اس موقع پر نائب صدر اور دبئی کے حکمران شیخ محمد بن راشد المکتوم، نائب صدر منصور بن زاید النہیان اور دیگر اماراتی قیادت نے بھی مبارکباد کے پیغامات جاری کیے۔ حکومتی رہنماؤں نے مسلح افواج کو قومی یکجہتی کا ستون قرار دیتے ہوئے اس عزم کا اظہار کیا کہ متحدہ عرب امارات اپنے مستقبل کے تحفظ اور استحکام کے لیے عسکری اور ادارہ جاتی ہم آہنگی کو مرکزی حیثیت دیتا رہے گا۔
صدر ڈونلڈ ٹرمپ کے بیجنگ کے دورے اور چینی صدر شی جن پنگ کے ساتھ…
اسلام آباد میں پاکستان تحریک انصاف کے بانی چیئرمین سے ملاقات کے لیے چھ رکنی…
اقوام متحدہ کے سابق ہتھیاروں کے معائنہ کار اور امریکی میرین کور کے انٹیلی جنس…
وزیراعظم شہباز شریف کی جانب سے گلگت بلتستان کے دورے کے دوران خطے میں چار…
کراچی میں پانی کی چوری کی روک تھام کے لیے قائم خصوصی تھانہ خود سنگین…
امریکی صدر ڈونلڈ ٹرمپ چین کے دورے پر پہنچ گئے ہیں، ان کے ہمراہ امریکہ…