پاکستان کی سب سے سستی فضائی کمپنی نے ملک کے دارالحکومت اسلام آباد سے متحدہ عرب امارات کے شہر شارجہ کیلئے اپنی پہلی بین الاقوامی پرواز کا آغاز کیا ،اس ضمن میں اسلام آباد اور شارجہ کے ہوائی اڈوں پر دوہری تقاریب کا انعقاد کیا گیا،جہاں پرواز کی اسلام آباد سے روانگی اورشارجہ آمد کے موقع پر طیارےاور مسافروں کا شاندار استقبال کیا گیا۔افتتاحی پرواز میں فلائی جناح کی سینئر انتظامیہ سمیت ٹریول ایجنٹس،میڈیا اور سوشل میڈیا سے تعلق رکھنے والے افرا د موجود تھے۔
شارجہ کے بین الاقوامی ہوائی اڈے پر پہنچنے پر طیارے کا استقبا ل روایتی واٹر کینن کی سلامی سے کیا گیا،جس کے بعدایک تقریب منعقد ہوئی،جس میں متحدہ عرب امارات میں پاکستان کے سفیر فیصل نیاز ترمذی کے ساتھ ساتھ شارجہ کے بین الاقوامی ہوائی اڈے کی نمائندگی کرنے والی سینئر انتظامیہ اور ایئر عربیہ کے اعلیٰ حکام بھی شریک تھے۔
فلائی جناح کے ترجمان کا اس موقع کے حوالے سے کہنا تھا کہ ”یہ فلائی جناح کیلئے ایک اہم سنگ میل ہے،کیونکہ ہم نے ایک سال کے کامیاب ڈومیسٹک آپریشنز کے بعد اپنی پہلی بین الاقوامی پرواز کا آغاز کیا۔شارجہ کا محل وقوع ملک کے باقی حصوں سے قربت کے باعث متحدہ عرب امارات کیلئے ایک بہترین گیٹ وے ہے،یہ قدم اپنے مسافروں کو مزید سفری آپشنز فراہم کرنے کے ساتھ ہمارے غیر متزلزل عزم کی عکاسی کرتا ہے،کیونکہ ہم اپنے نیٹ ورک کو مزید دلچسپ مقامات تک توسیع دینے کیلئے کوشاں ہیں۔“
فلائی جناح اپنے مسافروں کو سہل اور سستی سروس پیش کرنے کے حوالے سے ثابت قدم ہے،اپنے پانچ ایئر بس A320طیاروں پر مشتمل جدید فضائی بیڑے کے ساتھ اس وقت پاکستا ن کے پانچ بڑے شہروں کراچی،اسلام آباد،لاہور،پشاور اور کوئٹہ کے درمیان پروازیں چلانے کے ساتھ ساتھ اب شارجہ کیلئےبھی بین الاقوامی پرواز کا آغازکرے گی۔
اس کی اکانومی کلاس کی نشستیں کسی بھی دوسری فضائی کمپنی کی اکانومی کلاس کے مقابلے میں کہیں زیادہ کشادہ ہیں، جو مسافروں کیلئے ان کے سفر کے دوران بے پناہ آرام کا باعث بنتی ہیں،ہوئی جہاز میں مفت آن لائن اسٹریمنگ سروس ”اسکائی ٹائم“کی سہولت بھی میسر ہے،جو مسافروں کو تفریح کے وسیع انتخاب کو براہ راست اپنی ڈیوائسز پر منتقل کرنے کی سہولت دیتا ہے،س کے علاوہ مسافر انتہائی مناسب قیمتوں پر دوران پرواز ”اسکائی کیفے“مینو سے ناشتہ،سینڈوچ اور کھانوں کیلئے مختلف قسم کے لذیز پکوانوں سے بھی لطف اندوز ہوسکتے ہیں۔
مسافر اب فلائی جناح کی ویب سائٹ (www.flyjinnah.com) یا کال سینٹر
(111-000-035) یا ٹریول ایجنسیوں کے ذریعہ پروازوں میں بکنگ کراسکتے ہیں۔
واشنگٹن میں موجود باخبر ذرائع کے مطابق آبنائے ہرمز میں ایرانی ساحلی پٹی پر امریکی…
نئی دہلی میں بھارتی وزیراعظم نریندر مودی کی حکومت کو اس وقت ایک غیر معمولی…
سینیٹر سرمد علی نے فیڈرل اردو یونیورسٹی کے بڑھتے ہوئے مالی بحران کو حل کرنے…
انٹالیا میں جاری ڈپلومیسی فورم کے موقع پر وزیراعظم شہباز شریف اور ترک صدر رجب…
امریکی صدر ڈونلڈ ٹرمپ نے خبر رساں ادارے رائٹرز کو دیے گئے ایک انٹرویو میں…
پنجاب کو پاکستان کی غذائی ضروریات پوری کرنے والا مرکز تسلیم کیا جاتا ہے جہاں…