اسٹیٹ بینک آف پاکستان نے ریگولیٹری قوانین کی خلاف ورزی پر پانچ بڑے بینکوں پر مجموعی 21 کروڑ 91 لاکھ 38 ہزار روپے کے جرمانے عائد کردیئے ہیں، جن میں نیشنل بینک آف پاکستان، بینک الفلاح، مسلم کرشل بینک، حبیب میٹروپولیٹن بینک اور سمٹ بینک شامل ہیں۔
اسٹیٹ بینک آف پاکستان نے کھتیداروں کی ذاتی تفصیلات (کے سی وائی اور ٹیرر فنانسنگ (سی ایف ٹی) کے قوائد میں بے ضابطگیوں پر بینک الفلاح لمیٹڈ پر 9 کروڑ 60 لاکھ 95 ہزار روپے جرمانہ عائد کیا۔
فاریکس آپریشنز کے قوائد میں بے ضابطگیوں پر اسٹیٹ بینک نے مسلم کمرشل بینک لمیٹڈ پر 4 کروڑ 94 لاکھ 99 ہزار روپے کا جرمانہ عائد کیا ہے۔
حبیب میٹروپولیٹن بینک پر کھاتیداروں کی ذاتی تفصیلات اور کاروباری تفصیلات کے مکمل اندراج اور جانچ پڑتال (سی ڈی ڈی/کے سی وائی) کی بے ضابطگیوں پر اسٹیٹ بینک آف پاکستان نے 3 کروڑ 45 لاکھ 78 ہزار روپے کا جرمانہ عائد کیا ہے۔
اسٹیٹ بینک نے کھاتیداروں کی ذاتی تفصیلات اور کاروباری تفصیلات کے مکمل اندراج اور جانچ پڑتال (سی ڈی ڈی/کے سی وائی) کی بے ضابطگیوں پر نیشنل بینک کو بھی نہیں بخشا، قومی بینک پر 2 کروڑ 15 لاکھ 44 ہزار روپے کا جرمانہ عائد کیا ہے، ایس بی پی نے نیشنل بینک کو قوائد و ضوابط کے ساتھ بینکاری نظام کو بہتر بنانے کی بھی ہدایات جاری کی ہیں۔
سمٹ بینک کو فاریکس آپریشنز کے قوائد میں بے ضابطگیوں پر ایک کروڑ 74 لاکھ 22 ہزار روپے کا جرمانہ ادا کرنا ہوگا۔
ایس بی پی نے نوٹیفیکیشن کے مطابق مزکورہ پانچ بینکوں کو مسلسل مانیٹنگ کے بعد ان کے خلاف 11 سے 23 دسمبر 2019 کے دوران کاروائی کی گئی۔ اسٹیٹ بینک کے ملک بھر کے تجارتی بینکوں کو سرکلرز کے تحت مروجہ قوائد و ضواط پر عملدرآمد کی واضع ہدایات جاری کی تھیں۔ اسٹیٹ بینک کے ذرائع نے انکشاف کیا ہے کہ مزید بینک رڈار پر ہیں جن کی سخت مانیٹرنگ کی جارہی ہے، تاہم ذرائع نے ان کے نام اور متوقع جرمانے کی تفصیلات سے گریز کیا ہے۔
واضع رہے کہ فنانشل ایکشن ٹاسک فورس (ایف اے ٹی ایف) کی جانب سے پاکستان کو 27 ایکشن پوئنٹس پر عملدرآمد کی واضع ہدایات دی گئی ہیں جن میں اینٹی منی لانڈرنگ (اے ایم ایل) ایکٹ اور غیر ملکی زرمبادلہ ریگولیشنز ایکٹ بھی شامل ہیں۔
ایف اے ٹی ایف کے مشترکہ گروپ کے ساتھ پاکستان کا اگلا مزاکراتی دور 21 اور 22 جنوری کو بیجنگ میں ہوگا۔ گرے لسٹ سے باہر آنے کے لئے ، پاکستان کو فروری 2020 تک تمام ایکشن پوائنٹ پر مکمل تعمیل کرنے کی ضرورت ہے۔
اسٹیٹ بینک کی رواں مالی سال پہلی سہ ماہی پر رپورٹ جاری
پاکستان کے نامور اسلامی بینک میزان بینک نے پاکستان مائیکرو فنانس نیٹ ورک (PMN)کے ساتھ…
پاکستان کے سب سے بڑے ٹیلی کمیونی کیشن اور آئی سی ٹی خدمات فراہم کرنے…
پاکستان کی سب سے سستی فضائی کمپنی نے ملک کے دارالحکومت اسلام آباد سے متحدہ…
اسٹیٹ بینک کے گورنر نے صحافیوں کے ساتھ غیر رسمی گفتگو کے دوران اہم خبر…
اماراتی علاقے میں رمضان المبارک کا پہلا روزہ اس سال 11 مارچ کو ہو سکتا…
پاکستان میں انتخابات سے قبل پٹرولیم مصنوعات کی قیمت میں اضافے کا امکان۔ رپورٹ کے…