نیپرا کے چیرمین توصیف فاروقی کا کہنا ہے کہ خواتین کا معاشرے میں بااعتماد ہونا اور انکی خود انحصاری نہایت اہم ہے۔
چیئرمین نیپرا توصیف ایچ فاروقی پاکستان کی پہلی سند یافتہ خواتین الیکٹریشنز کی گریجویشن تقریب میں بطور مہمان خصوصی شریک ہوئے۔
توصیف فاروقی نےکے الیکٹرک کی پہلی خواتین سرٹیفائیڈ الیکٹریشنز کی گریجویشن کے اقدام کو سراہتے ہوئے کہا کہ خواتین کو ہنر سے آراستہ کرتے ہوئے معاشرے میں اہم مقام دینا وقت کی ضرورت ہے۔
انہوں نے کہا کہ کے الیکٹرک کی حفاظتی اصولوں پر شعور اجاگر کرنے اور معاشرے کی بہبود پر کاوشیں خوش آئند ہیں۔
چیئرمین نیپرا توصیف فاروقی نے کہا کہ اس پروگرام کو ملک بھر میں فروغ دینے کے لیے اس کی آگاہی دیگر ڈسٹری بیوشن کمپنیوں تک پہنچانے کی ضرورت ہے۔
تقریب سے خطاب کرتے ہوئے سی ای او مونس علوی نے کہا کہ کے الیکٹرک خواتین گرڈ آپریٹنگ افیسرز اور خواتین میٹر ریڈرز قومی پاور سیکٹر میں ایک مثال قائم کر رہی ہیں۔
مونس علوی نے کہا کہ 10 ارب روپے کے پروجیکٹ سربلندی کے تحت معاشرے میں خوشحالی کے لئے مسلسل سرمایہ کاری کر رہے ہیں۔
نہوں نے کہا کہ معاشی طور پر سماجی بہتری میں اضافہ اور بجلی کی مسلسل فراہمی پرخاص توجہ ہے۔
کے الیکٹرک کے سی ای او نے کہا کہ روشنی باجی پروگرام اور سند یافتہ خواتین الیکٹریشنز کا پہلا بیج سماجی بہتری کے لیے کوشاں رہےگا۔
دوران تقریب چیف مارکیٹنگ و کمیونیکیشن آفیسر سعدیہ دادا نے پروگرام کی افادیت سے آگاہ کرتے ہوئے بتایا کہ کے الیکٹرک روشنی باجی سند یافتہ خواتین الیکٹریشنز کے اگلے مرحلے کا جلد آغاز کریں گے۔ یہ پروگرام ملک بھر کی خواتین کو ہنر سے آراستہ کرنے کیلئے سنگ میل ثابت ہوگا۔
سعدیہ ڈاڈا نے کہا کہ اگلے مرحلے میں زیادہ تعداد میں خواتین کو شامل کیا جاے گا۔
کے الیکٹرک سرٹیفائیڈ الیکٹریشنز روشنی باجی کمیونٹی ایمبیسیڈر پروگرام کی توسیع ہے جسکا آغاز چیئرمین نیپرا نے رواں سال فروری میں کیا تھا۔
پروگرام روزگارکے مواقع تک سہل رسائی میں مددگار ثابت ہوگا جو کہ نیپرا کے سی ایس آر وژن پاور وتھ پراسپیریٹی سے ہم آہنگ ہے۔
تقریب میں مختلف مکاتب فکر سے تعلق رکھنے والی شخصیات کے علاوہ نیپرا اور کے ای کے اعلی افسران نے بھی شرکت کی۔
پاکستان کے نامور اسلامی بینک میزان بینک نے پاکستان مائیکرو فنانس نیٹ ورک (PMN)کے ساتھ…
پاکستان کے سب سے بڑے ٹیلی کمیونی کیشن اور آئی سی ٹی خدمات فراہم کرنے…
پاکستان کی سب سے سستی فضائی کمپنی نے ملک کے دارالحکومت اسلام آباد سے متحدہ…
اسٹیٹ بینک کے گورنر نے صحافیوں کے ساتھ غیر رسمی گفتگو کے دوران اہم خبر…
اماراتی علاقے میں رمضان المبارک کا پہلا روزہ اس سال 11 مارچ کو ہو سکتا…
پاکستان میں انتخابات سے قبل پٹرولیم مصنوعات کی قیمت میں اضافے کا امکان۔ رپورٹ کے…