راولپنڈی چیمبر آف کامرس اینڈ انڈسٹری کے صدر عثمان شوکت اور سینئر نائب صدر خالد فاروق قاضی نے وفاقی وزیر برائے تجارت جام کمال خان سے ملاقات کی ہے۔ ہفتے کے روز جاری ہونے والے اعلامیے کے مطابق وفد نے وزیر تجارت کو اپنے حالیہ دورہ امریکہ کی تفصیلات سے آگاہ کیا۔
وفاقی وزیر جام کمال خان نے امریکی اسٹیک ہولڈرز کے ساتھ راولپنڈی چیمبر کے وفد کے فعال رابطوں کو سراہتے ہوئے کہا کہ اس طرح کے اقدامات پاکستان کی اقتصادی سفارت کاری کو مستحکم کرنے کے لیے ناگزیر ہیں۔ انہوں نے اس عزم کا اعادہ کیا کہ حکومت پائیدار تجارتی ترقی کے لیے امریکہ کے ساتھ کاروباری بنیادوں پر مبنی تعاون کے فروغ کے لیے پرعزم ہے۔
وفد نے وزیر تجارت کو کیپٹل ہل میں ہونے والی بات چیت کے اہم نتائج سے آگاہ کیا جس کا محور دوطرفہ تجارتی تعلقات کو مضبوط بنانا تھا۔ امریکی حکام اور کاروباری رہنماؤں نے پاکستان کے ساتھ گہرے اقتصادی تعلقات میں گہری دلچسپی ظاہر کی اور پالیسیوں میں تسلسل اور سرمایہ کاروں کی سہولت کاری کو کلیدی قرار دیا۔
ملاقات کے دوران وفد نے بتایا کہ اسٹیل، فارماسیوٹیکل، طبی آلات، معدنیات، کان کنی اور ٹیکنالوجی کے شعبوں میں تعاون بڑھانے کے وسیع امکانات موجود ہیں۔ نیویارک سٹی اکنامک ڈویلپمنٹ کارپوریشن اور نیویارک چیمبر آف کامرس کے ساتھ ملاقاتوں میں بھی پاکستانی نجی شعبے کے ساتھ شراکت داری پر مثبت ردعمل سامنے آیا ہے۔
وفد نے اس بات پر زور دیا کہ امریکہ میں مقیم پاکستانی تارکین وطن بالخصوص ٹیکنالوجی کے شعبے سے وابستہ افراد دونوں ممالک کے درمیان کاروباری تعلقات کو فروغ دینے میں ایک مضبوط پل کا کردار ادا کر رہے ہیں۔
اسلام آباد کی ضلعی انتظامیہ نے وفاقی دارالحکومت میں دکانوں اور بس اڈوں کی بندش…
امریکی صدر ڈونلڈ ٹرمپ نے آبنائے ہرمز کے بحران اور ایران کے ساتھ جاری مذاکرات…
کوئٹہ میں وزیراعلیٰ بلوچستان سرفراز بگٹی سے پاکستان نیول وار کالج کے 55 ویں تربیتی…
برطانوی شہر ڈیوائزز میں منعقدہ ایک نیلامی کے دوران آر ایم ایس ٹائٹینک کے ایک…
کراچی اور بلوچستان کے مختلف علاقوں میں زلزلے کے جھٹکے محسوس کیے گئے جس کے…
بھارت نے آبنائے ہرمز میں اپنے پرچم بردار دو خام تیل کے ٹینکرز پر ہونے…