پاکستان اور سری لنکا کی اسپیشل فورسز کے درمیان انسدادِ دہشت گردی کی دو ہفتے طویل مشترکہ مشقیں شیک ہینڈز ٹو تربیلا میں کامیابی کے ساتھ اختتام پذیر ہو گئیں۔
پاک فوج کے شعبہ تعلقات عامہ آئی ایس پی آر کے مطابق مشقوں کا آغاز 27 اپریل 2026 کو ہوا تھا جو جمعرات کے روز اختتام کو پہنچیں۔ ان مشقوں میں پاکستان آرمی کی اسپیشل سروسز گروپ اور سری لنکن اسپیشل فورسز کے دستوں نے شرکت کی۔
تربیلا کے تربیتی مرکز میں منعقدہ ان مشقوں کا بنیادی مقصد انسدادِ دہشت گردی کے آپریشنز میں پیشہ ورانہ مہارتوں کو نکھارنا اور جدید جنگی تکنیکوں کا تبادلہ تھا۔ شرکاء نے پیچیدہ سکیورٹی چیلنجز سے نمٹنے کے لیے مربوط حکمت عملی اور آپریشنل طریقہ کار کی مشقیں کیں۔
مشقوں کے اختتامی تقریب کے مہمان خصوصی جی او سی اسپیشل سروسز گروپ تھے۔ اس موقع پر سری لنکا کے میجر جنرل اجیت ابے وردنا بھی موجود تھے، جنہوں نے دونوں ممالک کے درمیان عسکری تعاون کے فروغ پر زور دیا۔
فوجی حکام کا کہنا ہے کہ شیک ہینڈز ٹو کا انعقاد دونوں دوست ممالک کے مابین دفاعی تعلقات کو مزید مستحکم کرنے کا باعث بنے گا۔ ان مشقوں کے ذریعے دونوں ممالک کی فورسز کو ایک دوسرے کے تجربات سے سیکھنے اور انسدادِ دہشت گردی کے شعبے میں اپنی صلاحیتوں کو بہتر بنانے کا موقع ملا ہے۔
صدر ڈونلڈ ٹرمپ کے بیجنگ کے دورے اور چینی صدر شی جن پنگ کے ساتھ…
اسلام آباد میں پاکستان تحریک انصاف کے بانی چیئرمین سے ملاقات کے لیے چھ رکنی…
اقوام متحدہ کے سابق ہتھیاروں کے معائنہ کار اور امریکی میرین کور کے انٹیلی جنس…
وزیراعظم شہباز شریف کی جانب سے گلگت بلتستان کے دورے کے دوران خطے میں چار…
کراچی میں پانی کی چوری کی روک تھام کے لیے قائم خصوصی تھانہ خود سنگین…
امریکی صدر ڈونلڈ ٹرمپ چین کے دورے پر پہنچ گئے ہیں، ان کے ہمراہ امریکہ…