وفاقی وزیر برائے پارلیمانی امور ڈاکٹر طارق فضل چوہدری نے کہا ہے کہ جیلوں میں قیدیوں کو تمام تر سہولیات جیل قوانین کے عین مطابق فراہم کی جا رہی ہیں۔
ایوان بالا میں ایک نکاتی ایجنڈے پر اظہار خیال کرتے ہوئے انہوں نے واضح کیا کہ عدالتی تحویل کا نظام ایک الگ قانونی فریم ورک کے تحت کام کرتا ہے اور اس پر کسی قسم کا بیرونی دباؤ اثر انداز نہیں ہوتا۔
وفاقی وزیر نے کہا کہ قیدیوں کو طبی سہولیات، خوراک اور دیگر بنیادی ضروریات جیل مینوئل کے تحت فراہم کی جاتی ہیں اور ان کے حقوق پر کسی قسم کا سمجھوتہ نہیں کیا جاتا۔
ان کا کہنا تھا کہ طبی ہنگامی صورتحال میں وقت کی قید کے بغیر فوری طبی امداد کی فراہمی یقینی بنائی جاتی ہے اور کسی بھی قیدی کو طبی مدد کی ضرورت پیش آنے پر جیل حکام بلا تاخیر کارروائی کے پابند ہیں۔
ڈاکٹر طارق فضل چوہدری نے قیدیوں کی منتقلی اور علاج سے متعلق خدشات کو مسترد کرتے ہوئے کہا کہ تمام اقدامات مکمل طور پر قانونی طریقہ کار کے تحت کیے جاتے ہیں اور جیل حکام ان تمام امور کا باقاعدہ ریکارڈ رکھتے ہیں جو سرکاری جانچ پڑتال کے عمل سے گزرتا ہے۔
انہوں نے خبردار کیا کہ عدالتی تحویل سے متعلق معاملات کو سیاست کی نذر نہیں کیا جانا چاہیے۔ انہوں نے اس عزم کا اعادہ کیا کہ حکومت قانونی حدود میں رہتے ہوئے تمام تر انتظامات کو یقینی بنا رہی ہے اور جیل کا نظام مکمل طور پر آئینی و انتظامی ضابطوں کے تابع ہے۔
راولپنڈی میں پاک فوج نے معرکہ حق کی پہلی سالگرہ کے موقع پر ایک خصوصی…
دنیا کی سب سے بڑی آٹو موبائل ساز کمپنی ٹویوٹا نے خبردار کیا ہے کہ…
ہیری پوٹر کی نئی اسپن آف سیریز کے سیٹ سے قیمتی اشیاء کی چوری روکنے…
آئرلینڈ کے نامور فٹبالرز، معروف سماجی شخصیات اور فنکاروں نے مطالبہ کیا ہے کہ جمہوریہ…
انڈونیشیا کے مشرقی جزیرے ہلماہیرا میں واقع ماؤنٹ ڈوکونو آتش فشاں کے پھٹنے سے دو…
ڈنمارک میں قائم الائنس آف ڈیموکریسیز فاؤنڈیشن کی جانب سے جاری کردہ سالانہ رپورٹ میں…