مقبوضہ کشمیر میں بھارتی عدالت نے دخترانِ ملت کی سربراہ آسیہ اندرابی کو تاحیات قید کی سزا سنا دی ہے۔ عدالتی فیصلے میں آسیہ اندرابی کو انسداد غیر قانونی سرگرمیوں کے ایکٹ اور بھارتی پینل کوڈ کی مختلف دفعات کے تحت ریاست مخالف سرگرمیوں میں ملوث قرار دیا گیا ہے۔
ایڈیشنل سیشن جج چندر جیت سنگھ نے مقدمے کی سماعت مکمل ہونے کے بعد یہ فیصلہ سنایا۔ آسیہ اندرابی اپریل 2018 سے حراست میں ہیں۔ بھارتی نیشنل انویسٹی گیشن ایجنسی نے ان پر مبینہ طور پر اشتعال انگیز تقاریر کرنے اور ریاست مخالف اقدامات پر اکسانے کا الزام عائد کیا تھا اور ان کے لیے سخت ترین سزا کی استدعا کی تھی۔
عدالت نے آسیہ اندرابی کی قریبی ساتھیوں فہمیدہ صوفی اور ناہیدہ نسرین کو بھی 30، 30 سال قید کی سزا سنائی ہے۔ دخترانِ ملت کی بنیاد آسیہ اندرابی نے 1987 میں رکھی تھی اور وہ طویل عرصے سے مقبوضہ کشمیر میں سیاسی حقوق کے حصول کے لیے سرگرم رہی ہیں۔
انسانی حقوق کی تنظیموں نے اس عدالتی فیصلے پر شدید تحفظات کا اظہار کیا ہے۔ حقوقِ انسانی کے کارکنوں کا کہنا ہے کہ یہ فیصلہ سیاسی بنیادوں پر مبنی اور متنازع ہے، جس میں شفاف عدالتی عمل کے تقاضوں کو نظر انداز کیا گیا۔ مبصرین کے مطابق یہ اقدام مقبوضہ علاقے میں اختلاف رائے رکھنے والوں کے خلاف جاری کریک ڈاؤن اور بڑھتے ہوئے تناؤ کی عکاسی کرتا ہے۔
پاکستان پیپلز پارٹی سندھ کے صدر نثار کھوڑو نے کہا ہے کہ این ایف سی…
وفاقی وزیر برائے اقتصادی امور احد چیمہ کی زیر صدارت ایک اعلیٰ سطحی اجلاس منعقد…
گورنر خیبر پختونخوا فیصل کریم کنڈی نے کہا ہے کہ نو مئی کے پرتشدد واقعات…
جنوبی لبنان کے علاقے ساکسکیہ میں اسرائیلی فضائی حملے کے نتیجے میں ایک بچے سمیت…
راولپنڈی کے جنرل ہیڈ کوارٹرز میں اتوار کی صبح معرکہ حق کی فتح کو ایک…
امریکا کی جانب سے ایرانی بندرگاہوں کی ناکہ بندی کے باوجود تہران کی تیل کی…