ایرانی پارلیمان کے اسپیکر محمد باقر قالیباف نے دعویٰ کیا ہے کہ اسرائیل کی حکومت اور عسکری ڈھانچہ تباہی کے دہانے پر پہنچ چکا ہے اور تہران کی جانب سے جوابی کارروائیاں اس عمل کو مزید تیز کر دیں گی۔
سماجی رابطے کی ویب سائٹ ایکس پر جاری اپنے بیان میں قالیباف نے اسرائیلی فوج کے سربراہ ایال ضمیر کے مبینہ ریمارکس کا حوالہ دیا جس میں انہوں نے طویل جنگ کے باعث مسلح افواج کے اندرونی دباؤ اور انتشار کی نشاندہی کی تھی۔
ایرانی اسپیکر کے مطابق اسرائیلی میڈیا میں بھی ان خدشات کا اظہار کیا گیا ہے کہ فوج کو آپریشنل دباؤ سمیت متعدد سنگین خطرات کا سامنا ہے۔
قالیباف نے مزید کہا کہ اسرائیل اپنے اندرونی چیلنجز سے توجہ ہٹانے کے لیے ایران کے صنعتی انفراسٹرکچر پر حملوں میں اضافہ کر رہا ہے تاکہ اپنی فوج کے حوصلے بحال کر سکے۔
انہوں نے واضح کیا کہ ایران کا جواب فیصلہ کن ہوگا جس سے اسرائیل کی سیاسی اور عسکری قیادت پر دباؤ میں مزید اضافہ ہوگا۔
یہ بیان ایک ایسے وقت میں سامنے آیا ہے جب ایران اور اسرائیل کے درمیان جاری کشیدگی میں تیزی دیکھی جا رہی ہے اور دونوں جانب سے حملوں کے تبادلے نے وسیع تر علاقائی تنازع کے خدشات کو بڑھا دیا ہے۔
صدر ڈونلڈ ٹرمپ کے بیجنگ کے دورے اور چینی صدر شی جن پنگ کے ساتھ…
اسلام آباد میں پاکستان تحریک انصاف کے بانی چیئرمین سے ملاقات کے لیے چھ رکنی…
اقوام متحدہ کے سابق ہتھیاروں کے معائنہ کار اور امریکی میرین کور کے انٹیلی جنس…
وزیراعظم شہباز شریف کی جانب سے گلگت بلتستان کے دورے کے دوران خطے میں چار…
کراچی میں پانی کی چوری کی روک تھام کے لیے قائم خصوصی تھانہ خود سنگین…
امریکی صدر ڈونلڈ ٹرمپ چین کے دورے پر پہنچ گئے ہیں، ان کے ہمراہ امریکہ…