تہران (ویب ڈیسک) ایرانی پارلیمنٹ کے اسپیکر محمد باقر قالیباف نے کہا ہے کہ تہران خطے میں کشیدگی کے باوجود پڑوسی ممالک کے ساتھ براہ راست سفارت کاری کے ذریعے تعلقات کو مضبوط بنانے کے لیے تیار ہے۔ ایک غیر ملکی میڈیا ادارے کو انٹرویو دیتے ہوئے قالیباف نے واضح کیا کہ ایران کسی بھی ممکنہ محاذ آرائی کے لیے طویل عرصے سے تیار ہے اور ضرورت پڑنے پر اپنے دفاع کی مکمل صلاحیت رکھتا ہے۔
ایرانی اسپیکر نے زور دیا کہ خطے میں امریکی اڈوں اور مفادات کو نشانہ بنانے کے حالیہ اقدامات ایران کے دفاعی مؤقف کو تحفظ فراہم کرنے کے لیے کیے گئے۔ انہوں نے کہا کہ خطے کے ممالک بیرونی طاقتوں پر انحصار کیے بغیر دوطرفہ اور کثیر الجہتی معاہدوں کے ذریعے اپنی سیکیورٹی کو یقینی بنانے کی مکمل صلاحیت رکھتے ہیں۔
قالیباف نے اس بات پر اصرار کیا کہ علاقائی استحکام کو بیرونی مداخلت سے پاک اور خود مختار بنیادوں پر قائم کیا جانا چاہیے۔ انہوں نے خبردار کیا کہ اگر ایران کو ہدف بنا کر کشیدگی میں اضافہ کیا گیا تو پورے خطے میں امریکی مفادات کے خلاف فیصلہ کن اور وسیع ردعمل دیا جائے گا۔
انہوں نے مزید کہا کہ پائیدار سیکیورٹی کا انحصار عدم استحکام کی بنیادی وجوہات کے خاتمے پر ہے اور خطے میں امن و امان کا قیام امریکہ اور اسرائیل کی شمولیت کے بغیر ممکن بنایا جانا چاہیے۔
روس کے زیر کنٹرول کریمیا میں پیش آنے والے ایک فضائی حادثے میں روسی فضائیہ…
وزیراعلیٰ پنجاب مریم نواز شریف نے لاہور میں نواز شریف انسٹی ٹیوٹ آف کینسر ٹریٹمنٹ…
بورڈ آف سیکنڈری ایجوکیشن کراچی نے میٹرک کے امتحانات ملتوی کر دیے ہیں۔ سات اپریل…
امریکی صدر ڈونلڈ ٹرمپ نے کیلیفورنیا کے گورنر کے آئندہ انتخابات کے لیے سابق برطانوی…
جرمنی میں نافذ ہونے والے نئے عسکری قانون کے تحت 17 سے 45 برس کی…
کراچی میں گیس کی فراہمی کا نیا شیڈول جاری کر دیا گیا ہے جس کے…