ایرانی صدر مسعود پزشکیان نے واضح کیا ہے کہ اسلام آباد میں جاری مذاکرات کے نتائج سے قطع نظر تہران اپنے عوام اور وفد کے شانہ بشانہ کھڑا رہے گا۔
سماجی رابطوں کی ویب سائٹ ایکس پر اپنے بیان میں ایرانی صدر نے کہا کہ اسلام آباد میں جاری امن مذاکرات کے دوران ان کا وفد ملکی مفادات کے تحفظ کے لیے مکمل عزم اور ہمت کے ساتھ مصروف عمل ہے۔ انہوں نے زور دیا کہ ایرانی قیادت کی جانب سے مذاکراتی ٹیم کو ملکی پوزیشن کے دفاع کا مکمل اختیار حاصل ہے۔
صدر پزشکیان کے مطابق ان کی حکومت مذاکرات کے کسی بھی نتیجے کی پرواہ کیے بغیر اپنے عوام کی خدمت کے مشن کو بلا تعطل جاری رکھے گی۔ انہوں نے دو ٹوک الفاظ میں کہا کہ پاکستان میں ہونے والی بات چیت کے دوران ایران کے بنیادی قومی مفادات پر کوئی سمجھوتہ نہیں کیا جائے گا۔
ایرانی صدر نے مذاکراتی وفد پر مکمل اعتماد کا اظہار کرتے ہوئے کہا کہ تہران کی جانب سے بھیجی گئی ٹیم اپنی ذمہ داریوں کو پوری جرات اور ذمہ داری کے ساتھ نبھا رہی ہے۔ یہ بیانات اسلام آباد میں جاری سفارتی کوششوں کے تناظر میں تہران کے مضبوط موقف کی عکاسی کرتے ہیں جس میں ملکی خودمختاری اور اسٹریٹجک ترجیحات کے تحفظ کو اولین حیثیت حاصل ہے۔
امریکی سینٹرل کمانڈ نے تصدیق کی ہے کہ بحری افواج کے دو تباہ کن جہازوں…
فرانسیسی صدر ایمانوئل میکرون نے ایرانی صدر مسعود پزشکیان سے ٹیلی فون پر رابطہ کیا…
فرانسیسی صدر ایمانوئیل میکرون نے ایرانی صدر مسعود پزشکیان پر زور دیا ہے کہ وہ…
پنجاب بھر میں آوارہ کتوں کی بڑھتی ہوئی تعداد اور انتظامیہ کی عدم توجہی کے…
امریکی محکمہ خارجہ نے ہفتے کے روز اعلان کیا ہے کہ ایرانی حکومت کی حامی…
نائب وزیراعظم اور وزیر خارجہ اسحاق ڈار نے اسلام آباد میں ایران کے مرکزی بینک…