دنیا کی دوسری سب سے زیادہ دیکھی جانے والی ٹی ٹوئنٹی کرکٹ لیگ، ڈی پی ورلڈ انٹرنیشنل لیگ ٹی ٹوئنٹی کے پانچویں سیزن کے شیڈول کا اعلان کر دیا گیا ہے۔ یہ میگا ایونٹ 22 نومبر 2026 بروز اتوار سے شروع ہوگا، جبکہ ٹورنامنٹ کا فائنل مقابلہ 20 دسمبر 2026 کو دبئی انٹرنیشنل اسٹیڈیم میں کھیلا جائے گا۔
سی ای او ڈی پی ورلڈ آئی ایل ٹی ٹوئنٹی ڈیوڈ وائٹ نے ایونٹ کی تاریخوں کی تصدیق کرتے ہوئے کہا ہے کہ خلیجی خطے کے سب سے بڑے کرکٹ میلے کا انعقاد 22 نومبر سے 20 دسمبر تک کیا جائے گا۔ انہوں نے سیزن 4 کی کامیابی پر اطمینان کا اظہار کرتے ہوئے کہا کہ نشریاتی اعداد و شمار، شائقین کی دلچسپی اور دنیا کے بڑے ٹی ٹوئنٹی اسٹارز کی شرکت نے اس لیگ کو ایک بڑی کامیابی سے ہمکنار کیا ہے جس سے لیگ کے معیار میں مزید بہتری آئی ہے۔
چھ ٹیموں پر مشتمل اس ٹورنامنٹ میں کل 34 میچز کھیلے جائیں گے۔ لیگ کے منتظمین کا کہنا ہے کہ سعودی عرب کرکٹ فیڈریشن اور کویت کرکٹ کے ساتھ تزویراتی شراکت داری کے اثرات نمایاں ہیں، جنہیں مزید مستحکم کرنے کے لیے سیزن 5 سے قبل دونوں ممالک میں ترقیاتی ٹورنامنٹس کا انعقاد کیا جائے گا۔
یاد رہے کہ سیزن 4 کا فائنل 4 جنوری 2026 کو کھیلا گیا تھا جس میں ڈیزرٹ وائپرز نے ایم آئی ایمریٹس کو 46 رنز سے شکست دے کر پہلی بار ٹرافی اپنے نام کی تھی۔ گزشتہ سیزن میں سیم کرن، وقار سلام خیل اور محمد وسیم سمیت کئی بڑے ناموں نے اپنی کارکردگی سے شائقین کو محظوظ کیا تھا۔ منتظمین کے مطابق پلیئر آکشن اور دیگر اہم اقدامات کے حوالے سے اعلانات آئندہ چند روز میں متوقع ہیں۔
کولمبیا کی حکومت نے ملک کے وسطی علاقوں میں آزادانہ گھومنے والے درجنوں دریائی گھوڑوں…
ایران سے پاکستانیوں کی وطن واپسی کا عمل مسلسل چوالیسویں روز بھی جاری رہا، جس…
امریکی صدر ڈونلڈ ٹرمپ نے وائٹ ہاؤس میں ایک غیر معمولی پریس کانفرنس کے دوران…
اقوام متحدہ کے سیکریٹری جنرل کے ترجمان اسٹیفن دوجارک نے واضح کیا ہے کہ مشرق…
امریکی وزیر دفاع پیٹ ہیگسیٹ نے خبردار کیا ہے کہ جاری بحری ناکہ بندی کے…
محکمہ موسمیات نے ملک کے مختلف حصوں میں گرج چمک کے ساتھ بارش، تیز ہواؤں…