امریکی نائب صدر جے ڈی وینس ایران کے ساتھ مذاکرات کے سلسلے میں منگل کے روز پاکستان کا دورہ کریں گے۔ ایکسیس کی رپورٹ کے مطابق امریکی ذرائع نے اس دورے کی تصدیق کی ہے، جبکہ جے ڈی وینس پہلے بھی مذاکرات کے ابتدائی دور میں امریکی وفد کی قیادت کر چکے ہیں۔ اس سے قبل رائٹرز نے ایک ذریعے کے حوالے سے خبر دی تھی کہ وینس پیر کے روز امریکہ میں ہی موجود تھے اور ان کے پہلے سے پاکستان روانہ ہونے کی اطلاعات کو مسترد کیا گیا تھا۔
اسلام آباد میں اعلیٰ سطح کے غیر ملکی وفود کی آمد کے پیش نظر سیکیورٹی کے سخت ترین انتظامات کیے گئے ہیں۔ وفاقی دارالحکومت کے دو بڑے ہوٹلوں کو عام مہمانوں سے خالی کروا کر خصوصی وفود کے لیے مختص کر دیا گیا ہے اور انہیں تمام تر پرتعیش سہولیات فراہم کی جا رہی ہیں۔
سیکیورٹی حصار کو مزید مضبوط بنانے کے لیے اسلام آباد اور راولپنڈی کے بس ٹرمینلز بند کر دیے گئے ہیں۔ شہر میں 18 ہزار سیکیورٹی اہلکار تعینات کیے گئے ہیں جنہیں پنجاب پولیس کے 7 ہزار افسران، رینجرز اور پاک فوج کے دستوں کی معاونت حاصل ہے۔ ریڈ زون میں داخلے پر مکمل پابندی عائد کر دی گئی ہے جبکہ وہاں واقع تعلیمی ادارے بھی بند رہیں گے۔
عدالتی سرگرمیوں کو بھی محدود کر دیا گیا ہے اور فیڈرل کانسٹیٹیوشنل کورٹ اور اسلام آباد ہائی کورٹ میں کارروائی ایک دن کے لیے معطل رہے گی۔ حساس علاقوں میں بھاری ٹریفک کی نقل و حرکت پر پابندی عائد ہے، جبکہ مارگلہ ہلز کے ٹریل نمبر 2، 3، 4، 5 اور سید پور ویلج سے منسلک ٹریلز کو بھی عوام کے لیے بند کر دیا گیا ہے۔
سفارتی سرگرمیوں کی تیاریوں کے تحت شہر کی اہم شاہراہوں اور گرین بیلٹس کو سجایا گیا ہے اور مرکزی راستوں پر قومی پرچم لہرائے گئے ہیں۔ انتظامیہ کی جانب سے وفاقی دارالحکومت کو غیر ملکی مہمانوں کی میزبانی کے لیے مکمل طور پر تیار کر لیا گیا ہے۔
صدر ڈونلڈ ٹرمپ کے بیجنگ کے دورے اور چینی صدر شی جن پنگ کے ساتھ…
اسلام آباد میں پاکستان تحریک انصاف کے بانی چیئرمین سے ملاقات کے لیے چھ رکنی…
اقوام متحدہ کے سابق ہتھیاروں کے معائنہ کار اور امریکی میرین کور کے انٹیلی جنس…
وزیراعظم شہباز شریف کی جانب سے گلگت بلتستان کے دورے کے دوران خطے میں چار…
کراچی میں پانی کی چوری کی روک تھام کے لیے قائم خصوصی تھانہ خود سنگین…
امریکی صدر ڈونلڈ ٹرمپ چین کے دورے پر پہنچ گئے ہیں، ان کے ہمراہ امریکہ…