ماسکو میں ایرانی سفیر کاظم جلالی نے صحافیوں سے گفتگو کرتے ہوئے کہا ہے کہ روس اور ایران کے درمیان سیاسی تعلقات بین الاقوامی فورمز پر بدستور مستحکم ہیں۔ انہوں نے واضح کیا کہ روسی صدر ولادیمیر پیوٹن اور ایرانی صدر مسعود پزشکیان کے مابین گہرا رابطہ قائم ہے اور امریکا و اسرائیل کی جانب سے ایران پر فوجی کارروائی کے بعد دونوں رہنماؤں کے درمیان تین بار ٹیلی فونک رابطہ ہو چکا ہے۔
ایرانی سفیر کے مطابق روسی وزیر خارجہ سرگئی لاوروف اور ان کے ایرانی ہم منصب عباس عراقچی کے درمیان بھی موثر ورکنگ ریلیشن شپ قائم ہے جو دوطرفہ تعلقات کو مزید مضبوط بنا رہی ہے۔
کاظم جلالی نے بتایا کہ 28 فروری کو امریکا اور اسرائیل نے ایران کے خلاف بڑے پیمانے پر فوجی آپریشن شروع کیا تھا جس سے خطے میں کشیدگی میں اضافہ ہوا۔ اس تنازع کے دوران 40 دنوں میں امریکی اور اسرائیلی حملوں میں مجموعی طور پر 3 ہزار 375 ایرانی شہری جاں بحق ہوئے۔
رپورٹ کے مطابق 7 اپریل کو امریکی صدر ڈونلڈ ٹرمپ نے تہران کے ساتھ دو ہفتوں کی جنگ بندی کا اعلان کیا تھا تاہم کئی دور کے مذاکرات کے باوجود فریقین کے درمیان کوئی طویل مدتی معاہدہ طے نہیں پا سکا۔
اکیس اپریل کو صدر ٹرمپ نے جنگ بندی میں ممکنہ توسیع کا اشارہ دیا تھا۔ تاہم ایرانی سرکاری میڈیا کا کہنا ہے کہ تہران یکطرفہ توسیع کو قبول کرنے کا ارادہ نہیں رکھتا اور وہ اپنے قومی مفادات کو ترجیح دے گا۔
صدر ڈونلڈ ٹرمپ کے بیجنگ کے دورے اور چینی صدر شی جن پنگ کے ساتھ…
اسلام آباد میں پاکستان تحریک انصاف کے بانی چیئرمین سے ملاقات کے لیے چھ رکنی…
اقوام متحدہ کے سابق ہتھیاروں کے معائنہ کار اور امریکی میرین کور کے انٹیلی جنس…
وزیراعظم شہباز شریف کی جانب سے گلگت بلتستان کے دورے کے دوران خطے میں چار…
کراچی میں پانی کی چوری کی روک تھام کے لیے قائم خصوصی تھانہ خود سنگین…
امریکی صدر ڈونلڈ ٹرمپ چین کے دورے پر پہنچ گئے ہیں، ان کے ہمراہ امریکہ…