امریکہ اور ایران کے درمیان جاری کشیدگی کے تناظر میں ایک اہم پیش رفت کے تحت امریکی فوج نے قبضے میں لیے گئے ایرانی جہاز کا عملہ پاکستانی حکام کے حوالے کر دیا ہے۔ امریکی میڈیا کی رپورٹس کے مطابق یہ منتقلی عملے کو ایران واپس بھجوانے کے عمل کا حصہ ہے۔
ایرانی جہاز ایم وی ٹوسکا کے کل بائیس ارکان کو پاکستان کے حوالے کیا گیا ہے۔ اس سے قبل گزشتہ ہفتے چھ ارکان کو بھی وطن واپسی کے لیے ایک علاقائی ملک کے سپرد کیا گیا تھا۔ ذرائع کا کہنا ہے کہ امریکی فوج نے انیس اپریل کو اس وقت جہاز کو تحویل میں لیا تھا جب مبینہ طور پر اس نے آبنائے ہرمز سے گزرتے ہوئے امریکی ناکہ بندی کی خلاف ورزی کی تھی۔
ترجمان دفتر خارجہ طاہر حسین اندرابی نے بائیس ارکان کی منتقلی کی تصدیق کرتے ہوئے اسے امریکہ کی جانب سے اعتماد سازی کا اقدام قرار دیا۔ ترجمان کے مطابق عملہ گزشتہ شب پاکستان پہنچا اور آج انہیں ایرانی حکام کے حوالے کر دیا جائے گا۔ انہوں نے مزید کہا کہ ضروری مرمت کے بعد ایرانی جہاز بھی پاکستان کی سمندری حدود کے راستے اس کے مالکان کو واپس کر دیا جائے گا۔
طاہر حسین اندرابی کا کہنا تھا کہ جہاز اور عملے کی واپسی ایران اور امریکہ کے درمیان رابطوں کے بعد عمل میں لائی جا رہی ہے اور پاکستان اس پیش رفت کو خطے میں اعتماد اور سفارتکاری کو فروغ دینے کے لیے ایک مثبت قدم سمجھتا ہے۔ انہوں نے اعادہ کیا کہ پاکستان خطے میں امن اور مذاکرات کے عمل کی حمایت کے لیے پرعزم ہے۔
امریکی سینٹرل کمانڈ کے ترجمان کیپٹن ٹم ہاکنز نے بھی بائیس ارکان کی منتقلی کی تصدیق کی ہے۔ ان کا کہنا ہے کہ گزشتہ ہفتے رہا کیے گئے چھ ارکان پہلے ہی ایران پہنچ چکے ہیں۔
صدر ڈونلڈ ٹرمپ کے بیجنگ کے دورے اور چینی صدر شی جن پنگ کے ساتھ…
اسلام آباد میں پاکستان تحریک انصاف کے بانی چیئرمین سے ملاقات کے لیے چھ رکنی…
اقوام متحدہ کے سابق ہتھیاروں کے معائنہ کار اور امریکی میرین کور کے انٹیلی جنس…
وزیراعظم شہباز شریف کی جانب سے گلگت بلتستان کے دورے کے دوران خطے میں چار…
کراچی میں پانی کی چوری کی روک تھام کے لیے قائم خصوصی تھانہ خود سنگین…
امریکی صدر ڈونلڈ ٹرمپ چین کے دورے پر پہنچ گئے ہیں، ان کے ہمراہ امریکہ…