وال اسٹریٹ جرنل کی ایک رپورٹ کے مطابق امریکا اور ایران کے درمیان مذاکرات کا نیا دور ممکنہ طور پر اگلے ہفتے اسلام آباد میں شروع ہو سکتا ہے۔ باخبر ذرائع کا کہنا ہے کہ دونوں ممالک ثالث کاروں کے ساتھ مل کر ایک صفحے پر مشتمل 14 نکاتی مفاہمت کی یادداشت تیار کرنے میں مصروف ہیں، جس کا مقصد ایک ماہ تک جاری رہنے والے مذاکرات کے ذریعے خطے میں جاری کشیدگی کا خاتمہ ہے۔
مذکورہ مسودے میں ایران کے جوہری پروگرام، آبنائے ہرمز میں کشیدگی کم کرنے کے طریقہ کار اور ایران کے انتہائی افزودہ یورینیم کو کسی دوسرے ملک منتقل کرنے کے آپشنز شامل ہیں۔ تاہم، اہم معاملات اب بھی حل طلب ہیں۔ خاص طور پر پابندیوں میں نرمی کا دائرہ کار ابھی تک زیر بحث ہے جو مذاکرات کی کامیابی میں بڑی رکاوٹ ثابت ہو سکتا ہے۔ اگر پیش رفت ہوئی تو فریقین کی باہمی رضامندی سے ایک ماہ کی ابتدائی مدت میں توسیع کی جا سکے گی۔
موجودہ تنازع کا آغاز 28 فروری کو ہوا جب امریکا اور اسرائیل نے ایران پر حملے کیے۔ اس کے جواب میں تہران نے خطے کے ممالک پر جوابی حملے کیے اور عالمی تیل و گیس کی ترسیل کے اہم راستے آبنائے ہرمز کی ناکہ بندی کر دی۔ پاکستان کی ثالثی سے 8 اپریل کو فائر بندی عمل میں آئی تھی، تاہم 11 اپریل کو اسلام آباد میں ہونے والا مذاکرات کا پہلا دور کسی پائیدار معاہدے کے بغیر ختم ہو گیا تھا۔
بعد ازاں صدر ڈونلڈ ٹرمپ کی جانب سے جنگ بندی کی مدت میں توسیع کر دی گئی تھی جس کی کوئی حتمی تاریخ مقرر نہیں کی گئی۔ ادھر 13 اپریل سے امریکی بحریہ نے اس تزویراتی آبی گزرگاہ میں ایرانی جہاز رانی کو ہدف بناتے ہوئے ناکہ بندی برقرار رکھی ہوئی ہے۔
صدر ڈونلڈ ٹرمپ کے بیجنگ کے دورے اور چینی صدر شی جن پنگ کے ساتھ…
اسلام آباد میں پاکستان تحریک انصاف کے بانی چیئرمین سے ملاقات کے لیے چھ رکنی…
اقوام متحدہ کے سابق ہتھیاروں کے معائنہ کار اور امریکی میرین کور کے انٹیلی جنس…
وزیراعظم شہباز شریف کی جانب سے گلگت بلتستان کے دورے کے دوران خطے میں چار…
کراچی میں پانی کی چوری کی روک تھام کے لیے قائم خصوصی تھانہ خود سنگین…
امریکی صدر ڈونلڈ ٹرمپ چین کے دورے پر پہنچ گئے ہیں، ان کے ہمراہ امریکہ…