بحرین کی وزارت داخلہ نے دعوی کیا ہے کہ سیکیورٹی فورسز نے ایران کی پاسداران انقلاب سے منسلک اکتالیس افراد کو گرفتار کر لیا ہے۔ سرکاری خبر رساں ادارے کے مطابق گرفتار شدگان کے خلاف پبلک پراسیکیوٹر کی جانب سے تحقیقات جاری ہیں، جن میں ایرانی حملوں سے ہمدردی کے کیسز بھی شامل ہیں۔
یہ پیش رفت ایسے وقت میں سامنے آئی ہے جب اٹھائیس فروری کو امریکہ اور اسرائیل کی جانب سے ایران کے خلاف جنگ کے آغاز کے بعد، تہران نے بحرین اور دیگر خلیجی عرب ممالک میں امریکی فوجی اڈوں کو نشانہ بنایا تھا۔
دوسری جانب، تہران پر بڑے پیمانے پر حملوں کے بعد ایرانی پارلیمنٹ کا پہلا اجلاس کل طلب کر لیا گیا ہے۔ پارلیمنٹ کے ترجمان کا کہنا ہے کہ اجلاس میں جنگ سے متاثرہ معاشی صورتحال پر غور کیا جائے گا۔ ایرانی پارلیمنٹ کا آخری عوامی اجلاس سولہ فروری کو منعقد ہوا تھا۔
ادھر سفارتی ذرائع کے مطابق امریکہ اور ایران کے درمیان مذاکرات کا عمل اگلے ہفتے اسلام آباد میں دوبارہ شروع ہو سکتا ہے۔ وال سٹریٹ جرنل کی رپورٹ کے مطابق دونوں فریقین ایک چودہ نکاتی مسودے پر کام کر رہے ہیں جس کا مقصد جنگ کے خاتمے کے لیے ایک ماہ تک جاری رہنے والے مذاکرات کا لائحہ عمل طے کرنا ہے۔
اس مسودے میں ایران کے جوہری پروگرام، آبنائے ہرمز میں کشیدگی میں کمی اور ایران کے افزودہ یورینیم کے ذخائر کو کسی دوسرے ملک منتقل کرنے جیسے امور شامل ہیں، تاہم اہم معاملات پر تاحال ڈیڈ لاک برقرار ہے۔
صدر ڈونلڈ ٹرمپ کے بیجنگ کے دورے اور چینی صدر شی جن پنگ کے ساتھ…
اسلام آباد میں پاکستان تحریک انصاف کے بانی چیئرمین سے ملاقات کے لیے چھ رکنی…
اقوام متحدہ کے سابق ہتھیاروں کے معائنہ کار اور امریکی میرین کور کے انٹیلی جنس…
وزیراعظم شہباز شریف کی جانب سے گلگت بلتستان کے دورے کے دوران خطے میں چار…
کراچی میں پانی کی چوری کی روک تھام کے لیے قائم خصوصی تھانہ خود سنگین…
امریکی صدر ڈونلڈ ٹرمپ چین کے دورے پر پہنچ گئے ہیں، ان کے ہمراہ امریکہ…