امریکی کانگریس کے رکن ایڈ کیس نے سینیٹ کی کمیٹی میں انکشاف کیا ہے کہ ایران کے ساتھ شروع ہونے والی جنگ کے بعد سے اب تک امریکہ کے 39 طیارے تباہ ہو چکے ہیں۔ انہوں نے یہ دعویٰ امریکی دفاعی جریدے دی وار زون کی رپورٹ کا حوالہ دیتے ہوئے کیا۔
منگل کے روز سینیٹ کی کمیٹی کے اجلاس کے دوران پینٹاگون کے چیف فنانشل آفیسر جے ہرسٹ سے سوالات کرتے ہوئے ایڈ کیس نے کہا کہ یہ اعداد و شمار ایک ماہ پرانی رپورٹ پر مبنی ہیں۔ انہوں نے پینٹاگون سے مطالبہ کیا کہ تباہ شدہ طیاروں کی مرمت یا متبادل کے مجموعی اخراجات کا تخمینہ فراہم کیا جائے۔
جواب میں جے ہرسٹ نے تسلیم کیا کہ ان نقصانات کے مالی اثرات انتہائی گہرے ہوں گے تاہم پینٹاگون ابھی تک نقصان کی مکمل نوعیت کا جائزہ لے رہا ہے۔ انہوں نے کہا کہ طیاروں کی مرمت کے اخراجات کا تعین کرنا ایک پیچیدہ عمل ہے، لہذا وہ مکمل تشخیص کے بعد ہی تحریری طور پر درست اعداد و شمار فراہم کر سکیں گے۔
رپورٹ میں یہ دعویٰ بھی کیا گیا ہے کہ ایران کے ساتھ تنازع کے دوران امریکی فضائیہ نے تقریباً 13 ہزار پروازیں کیں۔ اس دوران 39 طیارے تباہ ہوئے جبکہ 10 کو مختلف نوعیت کا نقصان پہنچا۔ رپورٹ کے مطابق ایرانی فضائی حدود میں ایک ایف 35 اے لائٹننگ ٹو لڑاکا طیارہ نشانہ بنا اور بوئنگ ای 3 سینٹری نگرانی کرنے والا طیارہ بھی تباہ ہوا۔
تاہم پینٹاگون کے حکام نے اجلاس کے دوران ان نقصانات کی باضابطہ تصدیق نہیں کی اور نہ ہی ان دعووں کی آزادانہ ذرائع سے تصدیق ہو سکی ہے۔
واضح رہے کہ 28 فروری کو امریکہ اور اسرائیل کی جانب سے ایران پر حملوں کے بعد خطے میں کشیدگی میں اضافہ ہوا تھا جس کے جواب میں تہران نے اسرائیل اور خلیجی خطے میں امریکی اتحادیوں کو نشانہ بنایا اور آبنائے ہرمز کو عارضی طور پر بند کر دیا تھا۔
پاکستان کی ثالثی سے 8 اپریل کو جنگ بندی کا معاہدہ عمل میں آیا تھا، تاہم اسلام آباد میں ہونے والے مذاکرات کسی مستقل حل تک پہنچنے میں ناکام رہے۔ بعد ازاں امریکی صدر ڈونلڈ ٹرمپ نے اس جنگ بندی میں غیر معینہ مدت تک توسیع کر دی تھی۔
صدر ڈونلڈ ٹرمپ کے بیجنگ کے دورے اور چینی صدر شی جن پنگ کے ساتھ…
اسلام آباد میں پاکستان تحریک انصاف کے بانی چیئرمین سے ملاقات کے لیے چھ رکنی…
اقوام متحدہ کے سابق ہتھیاروں کے معائنہ کار اور امریکی میرین کور کے انٹیلی جنس…
وزیراعظم شہباز شریف کی جانب سے گلگت بلتستان کے دورے کے دوران خطے میں چار…
کراچی میں پانی کی چوری کی روک تھام کے لیے قائم خصوصی تھانہ خود سنگین…
امریکی صدر ڈونلڈ ٹرمپ چین کے دورے پر پہنچ گئے ہیں، ان کے ہمراہ امریکہ…