بانی پی ٹی آئی کا پمز میں طبی معائنہ، ڈاکٹروں کی جانب سے صحت تسلی بخش قرار

پاکستان انسٹی ٹیوٹ آف میڈیکل سائنسز (پمز) کی انتظامیہ نے تصدیق کی ہے کہ بانی پی ٹی آئی عمران خان کی تیسری آنکھ کا طبی عمل کامیابی سے مکمل کر لیا گیا ہے اور ان کی بینائی تسلی بخش قرار دی گئی ہے۔

ہسپتال ذرائع کے مطابق عمران خان کو ان کی اپنی رضامندی کے ساتھ پمز لایا گیا، جہاں انہیں آنکھ کے علاج کے سلسلے میں تیسرا اینٹی وی جے ایف انجکشن لگایا گیا۔ انتظامیہ کا کہنا ہے کہ اس طبی عمل کے دوران تمام تر احتیاطی تدابیر اور پروٹوکولز کو مکمل طور پر مدنظر رکھا گیا۔

طبی معائنے کے بعد بورڈ نے بانی پی ٹی آئی کی بینائی کو اطمینان بخش قرار دیا، جس کے بعد انہیں ہسپتال سے ڈسچارج کر دیا گیا۔

اس سے قبل، بانی پی ٹی آئی کو پمز منتقل کیے جانے پر تحریک انصاف کی جانب سے حکومتی اقدامات پر تحفظات کا اظہار کیا گیا تھا۔ پارٹی کی جانب سے سماجی رابطوں کی ویب سائٹ پر جاری بیان میں مطالبہ کیا گیا تھا کہ شفافیت کو یقینی بنایا جائے اور بانی پی ٹی آئی کو آزادانہ اور شفاف طبی سہولیات کی فراہمی کے لیے شفا انٹرنیشنل ہسپتال منتقل کیا جائے۔