وزیراعلیٰ سندھ سید مراد علی شاہ نے اعلان کیا ہے کہ صوبے بھر میں ٹرانسپورٹرز کرایوں میں اضافہ نہیں کریں گے۔ عوام کو ریلیف فراہم کرنے اور پٹرولیم مصنوعات کی قیمتوں کے اثرات کو کم کرنے کے لیے صوبائی حکومت ٹرانسپورٹرز کو ایندھن اور پبلک ٹرانسپورٹ پر سبسڈی فراہم کرے گی۔
کراچی میں وزیراعلیٰ ہاؤس میں پریس کانفرنس سے خطاب کرتے ہوئے سید مراد علی شاہ نے کہا کہ منی بسوں، بسوں، کوسٹرز اور سوزوکی وینز کے روٹ پرمٹ رکھنے والے مالکان کو سہولت فراہم کی جائے گی جبکہ بین الصوبائی بسوں کے ڈیزل کے اخراجات کا بوجھ سندھ حکومت برداشت کرے گی۔
وزیراعلیٰ نے واضح کیا کہ وفاقی حکومت کی جانب سے فی بس ایک لاکھ روپے کی سبسڈی دی جا رہی ہے جبکہ ایندھن کی قیمتوں میں اضافے کی صورت میں سندھ حکومت ٹرانسپورٹرز کی مزید معاونت کرے گی تاکہ کرایوں میں اضافے کو روکا جا سکے۔
اس سے قبل وزیراعلیٰ کی زیر صدارت سبسڈی اور عوامی ریلیف کے حوالے سے ایک اہم اجلاس منعقد ہوا جس میں صوبائی وزراء اور اعلیٰ حکام نے شرکت کی۔ اجلاس میں پٹرولیم مصنوعات کی بڑھتی ہوئی قیمتوں کے اثرات کو کم کرنے کے لیے مختلف اقدامات کا جائزہ لیا گیا۔
سید مراد علی شاہ نے اس عزم کا اعادہ کیا کہ ریلیف پیکیج کا بنیادی مقصد عوام پر مالی بوجھ نہ پڑنے دینا ہے۔ انہوں نے شہریوں سے اپیل کی کہ وہ موجودہ صورتحال کے پیش نظر بجلی، گیس اور ایندھن کے استعمال میں کفایت شعاری سے کام لیں۔
چین نے امید ظاہر کی ہے کہ متعلقہ فریقین امن کے موقع کو غنیمت جانتے…
اسلام آباد ہائی کورٹ نے بانی پاکستان تحریک انصاف اور ان کے وکیل بیرسٹر سلمان…
روس کے علاقے ولادیمیر میں یوکرین کے ڈرون حملے کے نتیجے میں ایک ہی خاندان…
وزیر اعظم شہباز شریف نے کہا ہے کہ پاکستان اور ترکیہ کے مابین صدیوں پر…
ناسا کے آرٹیمس ٹو مشن نے انسانی خلائی سفر میں ایک نیا سنگ میل عبور…
پاکستان اور چین نے مشرق وسطیٰ اور خلیجی خطے میں بڑھتی ہوئی کشیدگی کو کم…