صدر آصف علی زرداری 25 اپریل سے یکم مئی 2026 تک چین کا سرکاری دورہ کریں گے۔ دفتر خارجہ کی جانب سے ہفتے کے روز جاری کردہ بیان کے مطابق صدر مملکت اس دورے کے دوران چین کے مختلف صوبائی رہنماؤں سے ملاقاتیں کریں گے۔
صدر زرداری اپنے دورے کے پہلے مرحلے میں 25 سے 27 اپریل تک صوبہ ہنان کے شہر چانگشا میں قیام کریں گے جبکہ 28 اپریل سے یکم مئی تک ان کا قیام صوبہ ہینان کے شہر سانیا میں ہوگا۔
ملاقاتوں کا محور پاک چین دوطرفہ تعلقات، تجارتی و اقتصادی تعاون اور چین پاکستان اقتصادی راہداری یعنی سی پیک کے امور ہوں گے۔
یہ دورہ پاکستان اور چین کے درمیان اعلیٰ سطحی وفود کے تبادلے کی دیرینہ روایت کا تسلسل ہے۔ رواں برس دونوں ممالک کے درمیان سفارتی تعلقات کے قیام کی 75 ویں سالگرہ منائی جا رہی ہے جس کے تناظر میں یہ دورہ خصوصی اہمیت کا حامل ہے۔
اس دورے سے دونوں ممالک کے درمیان آل ویدر سٹریٹیجک کوآپریٹو پارٹنرشپ کو مزید مستحکم کرنے کے عزم کا اعادہ کیا جائے گا۔
ایرانی وزیر خارجہ عباس عراقچی نے ہفتے کے روز اسلام آباد میں چیف آف آرمی…
ترکی کے وزیر خارجہ ہاکان فیدان نے ایران اور امریکہ کے درمیان متوقع مذاکرات کے…
امریکی صدر ڈونلڈ ٹرمپ کی جانب سے ایران کے خلاف جنگ کے فیصلے کے نتیجے…
امریکی مذاکرات کاروں کا وفد ہفتے کے روز پاکستان روانہ ہو رہا ہے تاہم ایران…
بیروت (ویب ڈیسک) حزب اللہ نے اسرائیل کے ساتھ جنگ بندی میں توسیع کے امریکی…
پہلگام واقعے کو ایک برس مکمل ہونے کے باوجود پاکستان پر لگائے گئے الزامات کے…