کینیڈا میں پاکستانی نژاد شہداء کی نماز جنازہ میں مقامی افراد کی کثیر تعداد شریک

کینیڈا کے صوبہ انٹاریو کے شہر لندن میں گذشتہ اتوار کو المناک سانحے میں جاں بحق ہونے والے پاکستانی شہدا کی نماز جنازہ کے لیے لندن اسلامک سنٹر میں لوگوں کی آمد۔

نماز جنازہ مقامی وقت کے مطابق سہہ پہر دو بجے اور پاکستانی وقت کے مطابق رات گیارہ بجے ادا کی جائے گی۔

نماز جنازہ میں شرکت کے لیے کینیڈا میں پاکستان کے سفیر رضا بشیر تارڑ اورقونصل جنرل ٹورنٹو عبد الحمید بھی جنازہ گاہ پہنچ گئے۔

جنازہ سے قبل سفیر پاکستان رضا بشیر تارڑ نے شہدا کے خاندان کے افراد سے ملاقات کی اور انہیں وزیر اعظم پاکستان اور وزیر خارجہ شاہ محمود قریشی کی جانب سے تعزیت کے پیغامات پہنچائے۔

اس موقع پر وزیر خارجہ شاہ محمود قریشی نے بھی ٹیلی فون پر متاثرہ خاندان کے افراد سے بات کی اور ان سے اس اندوہناک سانحے پرتعزیت اور دلی رنج و الم کا اظہار کیا۔

جنازہ میں کووڈ کے باعث بھاری اجتماع پر پابندیوں کے باوجود ایس او پیز میں سینکڑوں کی تعداد میں کینیڈین پاکستانیوں اور مقامی مسلمانوں کی شرکت ،متوقع ہے